أنتوا عارفين أن عمر رزيق اللي عامل قلق في لعبة جهنم زوج أمه منعه من التمثيل وقاله لا مش هتمثل💔أيوه دي قصة حياته حكاية ولا في الخيال حكاية بدأت بفقدان أب وهو لسه رضيع، وكملت بأب تاني دخل حياته وهو عنده 3 سنين، وبقى بالنسبة له مش مجرد زوج أمه.. لأ، ده بقى «بابا» وصاحبه وأقرب إنسان ليه! وعشان نفهم عمر رزيق النهارده، لازم نرجع لأول الحكاية… 👀 عمر رزيق اتولد سنة 2003، وسط عيلة قريبة جدًا من الفن، فوالده كان المخرج والممثل الراحل رزيق البهنساوي، وشقيقته المخرجة سارة رزيق. لكن عمر ما لحقش يعيش طفولته مع والده… لأن رزيق البهنساوي توفى وعمر كان عنده 3 شهور بس! 💔 يعني الطفل اللي لسه بيبدأ حياته، فقد والده قبل حتى ما يكون عنده ذكريات حقيقية معاه. وبعد وفاة والده، والدته اتجوزت الفنان والأستاذ الأكاديمي الراحل سناء شافع، وعمر وقتها كان عنده حوالي 3 سنين. ومن اللحظة دي، دخل سناء شافع حياة الطفل عمر… لكن عمر عمره ما شافه مجرد «زوج أمه». بالعكس تمامًا… عمر قال بنفسه إن سناء شافع كان أبوه وصاحبه وحبيبه، وإن ربنا عوضه بيه بعد وفاة والده الحقيقي. وسناء شافع ماكانش مجرد شخص بيربيه في البيت، ده كمان كان واحد من أهم الأشخاص اللي شكلوا شخصيته الفنية، واكتشف موهبته من بدري. وهنا بقى تبدأ المفارقة اللي محدش يتوقعها! 👀 الشخص اللي اكتشف موهبة عمر… هو نفسه الشخص اللي رفض في البداية إنه يدخل عالم التمثيل! أيوه.. سناء شافع، رغم إنه أستاذ في معهد الفنون المسرحية، ورغم إنه شايف موهبة عمر، ماكانش عايزه يحترف التمثيل. كان شايف إن الإخراج أنسب له! لكن عمر كان الفن بيجري في دمه من كل ناحية… والده مخرج، وشقيقته مخرجة، وهو من صغره دخل الكونسرفاتوار، وبعدها درس الباليه، وبعدين اتجه لمعهد الفنون المسرحية، وبدأ يجمع بين حبه للتمثيل والإخراج. والأغرب إن عمر ماكانش مجرد طفل بيحلم يبقى ممثل وخلاص… هو من سن صغير كان عنده شغف حقيقي بالسينما. وفي سن الـ12 تقريبًا، بدأ يفكر في موضوع التنمر اللي كان بيشوفه حواليه في المدرسة، وقرر يحوله لعمل فني. فقدم فيلم قصير اسمه «ورقة»، وكان هو بطله ومخرجه، واشتغل عليه مع مجموعة من أصدقائه. يعني الطفل اللي كان بيتعلم الفن من البيت، بدأ من بدري جدًا يفكر كـ«ممثل» وكـ«مخرج» في نفس الوقت. لكن حلم التمثيل ماوقفش عند الأفلام القصيرة… عمر بدأ يظهر قدام الجمهور وهو لسه طفل، وكانت البداية الحقيقية على الشاشة من خلال مسلسل «سجن النساء» مع نيللي كريم، وقدم خلاله شخصية طفل. … طفل فقد والده وهو عنده 3 شهور… كبر في بيت فيه الفن من كل ناحية… لقى أب جديد احتواه ورباه وفتح له أبواب الفن… وبعدين الأب ده نفسه قاله في البداية: «التمثيل لأ.. الإخراج أحسن لك». لكن عمر ماوقفش! فضل يجرب، ويتعلم، ويمثل، ويخرج، لحد ما جه الدور اللي غيّر نظرة سناء شافع له تمامًا… مسلسل «إلا أنا». عمر قال إن بعد مشاركته في «إلا أنا»، سناء شافع اقتنع فعلًا بموهبته كممثل. … إزاي الطفل اللي فقد والده وهو عنده 3 شهور، واتربى على إيد فنان كبير، والأب اللي رباه رفض في البداية حلمه وبعدين اقتنع بموهبته قدر يحول كل ده لطريق وصله لحد «الحشاشين»، و«ولنا في الخيال حب»، ودلوقتي «لعبة جهنم» دي مش مجرد حكاية ممثل شاب طلع في كام مسلسل… دي حكاية عمر رزيق من البداية. ❤️ - @a2547662