@mohamed04306: "يارب إديني فلوس كتير ..وخد مني صحتي" كان في قصة متداولة كده من زمان عن الفنان #أنور_وجدي، أنه دعا ربنا في بداية حياته الفنية، وهوا بيعاني من الفقر الشديد، أن يرزقه فلوس كتيير حتى لو كان ده مقابل أن ربنا ياخد منه صحته، وهوا ده إلي حصل ، وتحقق منه جزء فعلا بعد كدا... - عاش أنور وجدي بداية حياته فقير وكان ع طول بيحلم بالفلوس، وحصلت له مواقف كتير كانت بتدل على جوعه الشديد وإحتياجه، زي إنه وقف في مره قدام مطعم كباب وكان بياكل العيش الحاف بالريحه إلي طالعه من محل الكباب ، وده قاله في لقاء ليه زمان ..،، " وفي لحظة يأس بدأ يقول يارب اديني فلوس عشان أتنعم بالحاجات دي كلها إن شاء الله تاخد صحتي، أنا لو معايا فلوس هعرف أصرف على صحتي، لكن لو معايا صحة ومش معايا فلوس مش هعرف أستمتع" الأيام راحت وجت ، وتحقق دعاء أنور وجدي، وبعدها كان له تصريح معروف بعد إصابته بمرض نادر في الكلى، إنه مستعد يتنازل عن ثروته مقابل "ساندوتش طعمية"، لأن مرضه كان سبب في منعه من الأكل والإستمتاع بالحياه ساعتها بس عرف قيمة الصحة، وقال ياريتني ما كنت دعيت الدعوة دي..،، سافر أنور للخارج عشان يتعالج من المرض ، ولكنه توفي بعد معاناه شديده سنه 1955 وساب وراه ثروه كبيره ...متهناش بيها ..وإلي طلبها من ربنا مقابل صحته ..،،،🤦 " الصحه لا تقدر بمال ولا بكنوز الدنيا ...،،"🤎
