النرجسي الخبيث (Malignant Narcissist).. أخطر نوع من أنواع النرجسية .. النوع ده بيكون عنده ٤ سمات أساسية : ١. النرجسية (إحساس مبالغ فيه بالأهمية والاستحقاق) ٢. سمات معادية للمجتمع Antisocial Behavior (كذب.. استغلال ..خرق للقواعد) ٣. السادية (الاستمتاع بإيذاء الآخرين نفسيًا أو جسديًا) ٤. جنون الشك (بارانويا) بيشوف أي حد حواليه عدو محتمل الفرق بينه وبين النرجسي العادي النرجسي العادي بيدور على الإعجاب والتقدير..أما النرجسي الخبيث فبيستمتع فعليًا بإيذاء اللي قدامه — مش وسيلة لهدف،، ده الهدف نفسه.. بنسميها egosyntonic sadisim يعني إنه مش حاسس بذنب تجاهها بالعكس بيشوفها دليل على قوته وتفوقه.. النرجسي العادي بيكون عنده عدوان سلبي مش بيوصل للعنف الجسدي انما النوع ده العدوانية عنده بتكون لفظية و جسدية.. الفرق بينه وبين السيكوباتي ...على عكس السيكوباتي اللي مابيكونش عنده أي منظومة قيم أو قواعذ من الأساس .. النرجسي الخبيث عنده قدرة إنه يستوعب مفاهيم الصح والغلط من طفولته بس بدل ما يحس بالذنب بيتماهى مع الجزء العدواني فيه ويفتخر بيه ليه صعب تكتشفيه بدري؟ لأن عنده تعاطف معرفي قوي جدًا .. يعني بيفهم مشاعرك ويقراها بدقة لكن من غير تعاطف وجداني حقيقي يعني مش حاسس بيها..الجمع ده بالظبط هو اللي بيخليه بارع في التلاعب فبيعرف بالظبط ايه اللي هيأثر فيكي ويستخدمه #npd #اضطراب_الشخصية_النرجسية #narcissist - @dr_sarah_hussein