یہ باجوڑ کے معروف ڈاکٹر غلام فاروق کی تصویر ہے۔ مگر آج اس چہرے پر ڈاکٹر کی شناخت نہیں، بلکہ ایک بے بس اور غم زدہ باپ کا درد صاف دکھائی دے رہا ہے۔ جن ہاتھوں نے ساری زندگی لوگوں کے زخموں کا علاج کیا، آج وہی ہاتھ اپنے اکلوتے بیٹے کی جدائی کا زخم لیے بے بس کھڑے ہیں۔ جن آنکھوں نے ہزاروں مریضوں کو امید دی، آج انہی آنکھوں میں اپنے لختِ جگر کی جدائی کا ایسا غم ہے جس کا کوئی علاج نہیں۔ کل باجوڑ میں نامعلوم افراد نے ان کے اکلوتے بیٹے کو شہید کر دیا۔ ایک گھر کا چراغ بجھ گیا، ایک ماں کی گود اجڑ گئی، ایک باپ کی کمر ٹوٹ گئی… اور ریاست؟ خاموش۔ آخر کب تک باجوڑ کے گھروں سے جنازے اٹھتے رہیں گے؟ کب تک مائیں اپنے جوان بیٹوں کے لیے روئیں گی؟ کب تک باپ اپنے بچوں کو دفن کرکے انصاف کی امید میں دروازے کھٹکھٹاتے رہیں گے؟ غلام فاروق صاحب نے شاید زندگی بھر دوسروں کے دکھ بانٹے ہوں گے، مگر آج ان کے اپنے دکھ کا کوئی شریک نہیں۔ بیٹا اکلوتا ہو تو اس کی موت صرف ایک فرد کی موت نہیں ہوتی، وہ پورے خاندان کی دنیا اپنے ساتھ لے جاتی ہے۔ اس تصویر کو غور سے دیکھیں… یہ آنکھیں صرف رو نہیں رہیں، یہ سوال کر رہی ہیں: "میرا بیٹا آخر کس جرم میں مارا گیا؟ اور اگر ریاست اپنے شہری کی جان کی حفاظت نہیں کر سکتی، تو ایک بے بس باپ انصاف کے لیے کس دروازے پر جائے؟" یہ تصویر شاید خاموش ہے، مگر اس خاموشی میں ایک باپ کی ایسی چیخ چھپی ہے جو پتھر دل انسان کو بھی رُلا دے. #Every #ضرور، #Every @waheed ullah3380 @Fazal Haq @Waliullah SAHIBZADA @ZIA - @.abidullah71