@ahmasalah2: وهي جنبو في الكوشة ناداها قريب، وهمس ليها في اضانها مُش قلت ليك في النهاية حاعرسك وخلاها تتبسم حاجات كتيرة كانت بتقول ماحيحصل الظروف كانت صعبة عليهو والف حاجة معانداهو، بس هو كان أعند عمرو ما قال ليها، شوفي زول غيري ولا انتي تستاهلي زول احسن مني ولا ظروفي صعبة ما جايك كان دايما بقول ليها حاقلعك قلع وانتي تستاهليني أنا وبس وانو في النهاية حاعرسك غثبا عن ظروفي كانت مبسوطة بيهو شديد، مبسوطة بانو باقي عليها ورغبتو فيها كانت بتحمسها تنتظرو، كم سنة ما مهم، المهم يكون نهاية العمر معاهو هو هو كان مؤمن بقدرو، وشغال علي ظروفو اصلو ما وقف،، بِشتغل، وكل ما يحس انو لمة قروش كويسة كان بقول ليها خلاص قربنا ادعي لي كانت واثقة فيهو شديد لدرجة أنها كانت بترفض العرسان البتقدمو ليها، وصحباتها بقولو ليها عويرة بكرة حتندمي بس ما كانت خايفة منو وعارفه الراجل الاختارتو قدر وعودو، وحتندم لو سابت راجل بايع الدنيا عشان يشتري خاطر وجودها في ونسة من الونسات الكتيرة بيناتهم، قالت ليهو تعال لأبوي انا ما عايزة مِنك شي تخيل بس ردة الفعل الطلعت منو، خوفتها هي زاتها هاج فيها وقال ليها انا كمان ما بجي لابوك الا وجايب ليك اي شي وكل شي أنتي ما أقل من البنات في حاجة، ولا أنا قليل في شي، وبرضو في النهاية حاعرسك سنتين تلاتة وظروفو بقت تترتب، وأمورو بقت توضح هو يتعب ويعافر وهي بتدعي ليهو لحدي ما حصل فعلا وعرسها ودي كانت نهاية القصة السعيدة ❤️ في الوقت داك ما حتحس مرت كم سنة وانت شقيان، أو هي انتظرتك كم سنة، كل المهم انهم مع بعض ودة الأهم والمهم في النهاية الراجل بِعرس حبيبتو،، النصيب دا الجبناء وبس يعني ❤ أختاروا صح 😌 اللهم حلالا يشبه أمانينا 🫂🥺🤲🏻

ياقوت 🍃🥀

Open In TikTok:

Region: SD

Sunday 30 August 2026 15:05:02 GMT