@thukhachan256thar1989: ***ဆီးချိုကိုအဓိကထိန်းနိုင်မှပျောက်ကင်းသက်သာနိုင်မယ့်ဆီးချိုနာအကြောင်း (၁) ဆီးချိုနာ (Diabetic Foot Ulcer) ဆိုသည်မှာ ဆီးချိုရောဂါအခံရှိသူများ တွင် သွေးတွင်းသကြားဓာတ် မထိန်းချုပ်နိုင်ခြင်းကြောင့် ခြေထောက်တွင် ဖြစ်ပွားတတ်သော အနာဖြစ်သည်။ (၂) ဖြစ်ပွားရသည့် အဓိကအကြောင်းရင်းများ (Causes) *အာရုံကြောပျက်စီးခြင်း (Peripheral Neuropathy): ဆီးချိုကြောင့် ခြေထောက်ရှိ အာရုံကြောများ ထုံကျင်လာပြီး ခလုတ်တိုက်ခြင်း၊ အပ်စူးခြင်း၊ ဖိနပ်ပေါက်ခြင်းတို့ကို နာကျင်မှု မခံစားရသဖြင့် အနာဖြစ်မှန်းမသိ ဖြစ်တတ်သည်။ *သွေးလှည့်ပတ်မှု မကောင်းခြင်း (Peripheral Vascular Disease): ခြေထောက်သို့ သွားသော သွေးကြောများ ကျဉ်းမြောင်းသွားသဖြင့် အနာကျက်ရန် လိုအပ်သော အောက်ဆီဂျင်နှင့် အာဟာရဓာတ်များ မရရှိဘဲ အနာ ပိုမိုဆိုးရွားနိုင်သည်။ *ကိုယ်ခံအားနည်းခြင်း: သွေးတွင်းသကြားဓာတ် မြင့်မားနေပါကခန္ဓာကိုယ်၏ပိုးမွှားတိုက်ဖျက်နိုင်စွမ်း ကျဆင်းပြီး အနာတွင် ပိုးဝင်လွယ်ကာ ပုပ်သွားနိုင်သည်။ (၃) သတိပြုရမည့် ရောဂါလက္ခဏာများ (Symptoms) *ခြေဖဝါး၊ ခြေချောင်းများတွင် အသားမာတက်ခြင်း သို့မဟုတ် အရည်ကြည်ဖု ထွက်ခြင်း *ခြေထောက် ထုံကျင်ခြင်း၊ ပူစပ်ပူလောင်ဖြစ်ခြင်း သို့မဟုတ် ထိမှန်းမသိခြင်း *ခြေထောက် အရေပြား အရောင်ပြောင်းခြင်း (နီရဲလာခြင်း သို့မဟုတ် မည်းနက်လာခြင်း) *အနာမှ အရည် သို့မဟုတ် ပြည်ထွက်ခြင်းနှင့် အနံ့ဆိုးထွက်ခြင်း (၄) ဆီးချိုခြေထောက်အနာ အဆင့်များ ဆီးချိုခြေထောက်အနာကို ၎င်း၏ နက်ရှိုင်းမှုအပေါ် မူတည်၍ အဆင့် (၅) ဆင့် ခွဲခြားထားသည် *အဆင့် ၀: အနာမရှိသေးသော်လည်း ခြေထောက်ပုံစံ ပျက်နေခြင်းကြောင့် အနာဖြစ်ရန် ရာခိုင်နှုန်းများသည့်အဆင့် *အဆင့် ၁: အရေပြားပေါ်ယံတွင်သာ အနာဖြစ်ပွားသည့်အဆင့် *အဆင့် ၂: အနာနက်ရှိုင်းသွားပြီး အရွတ် သို့မဟုတ် ကြွက်သားအထိ ရောက်သွားသောအဆင့် *အဆင့် ၃: အရိုးအထိ ပိုးဝင်သွားခြင်း (Osteomyelitis) သို့မဟုတ် ပြည်တည်နာဖြစ်ခြင်း *အဆင့် ၄: ခြေချောင်း သို့မဟုတ် ခြေဖဝါးအရှေ့ပိုင်း တစ်စိတ်တစ်ပိုင်း ပုပ်သွားခြင်း (Localized Gangrene) *အဆင့် ၅: ခြေထောက်တစ်ခုလုံး ပုပ်သွားပြီး အသက်အန္တရာယ် စိုးရိမ်ရသဖြင့်ဖြတ်ထုတ်ရမည့်အဆင့် (၅)ကာကွယ်ခြင်းနှင့် ဂရုစိုက်နည်းများ (Prevention & Care) *ခြေဖဝါးနှင့် ခြေချောင်းကြားများကို မှန်အသုံးပြု၍ နေ့တိုင်း အနာ၊ နီရဲခြင်း သို့မဟုတ် အရည်ကြည်ဖု ရှိ၊ မရှိ စစ်ဆေးပါ။ *ရေနွေးနွေး၊ ဆပ်ပြာအပျော့စားဖြင့် နေ့စဉ်ဆေးကြောပြီး ခြောက်သွေ့အောင် သုတ်ပါ (အထူးသဖြင့် ခြေချောင်းကြားများ)။ *ခြေထောက် အရေပြား ပတ်မကွဲစေရန် လိုးရှင်း (Lotion) လိမ်းပေးပါ (ခြေချောင်းကြားများကိုမူ ချန်လှပ်ထားပါ)။ *ခြေသည်းကို အတည့်အတိုင်း ဖြောင့်ဖြောင့်ညှပ်ပါ၊ အသားထဲထိ လှိုက်ညှပ်ခြင်းမျိုးကို လုံးဝရှောင်ကြဉ်ပါ။ *အိမ်ထဲတွင်ဖြစ်စေ၊ အပြင်တွင်ဖြစ်စေခြေဗလာဖြင့်လုံးဝမလျှောက်ပါနှင့်။ မိမိခြေထောက်နှင့် ကွက်တိကျပြီး ပျော့ပျောင်းသော ဆီးချိုစီးဖိနပ်နှင့် ခြေအိတ်များကိုသာ ရွေးချယ်စီးပါ။ *သွေးတွင်းသကြားဓာတ် ထိန်းညှိပါ: ဆရာဝန်ညွှန်ကြားသည့်အတိုင်းဆီးချိုဆေး သို့မဟုတ် အင်ဆူလင် (Insulin) ကို စနစ်တကျ သောက်သုံး/ထိုးနှံပါ။ တိုင်းရင်းဆေးပညာအနေဖြင့်........ (ဖော်ပြပါဆေးနည်းများသည် လူနာအခြေအနေအလိုက်ပြောင်းလဲနိုင်သောကြောင့် နီးစပ်ရာသမားတော်များနှင့်တိုင်ပင်၍သာ အသုံးပြုကြပါရန်) စံညွှန်းကုထုံးအရ… **သွေးချိုဆီးချိုကျစေရန် - နန်းတွင်းလျာပွတ် ၁ပဲသား+ သွေးဆေးနီကြီး ၄ ပဲသားကို သကြားမကိုဋ်ပြုတ်ရည် (သို့) ကြက်ဟင်းခါးသီး သတ္တုရည်ဖြင့်ေသာက်နိုင်သည်။ **ဝမ်းမီးတောက်စေရန်...မတဲမြင့်မိုရ်ကုန်းဆေး+ပြည်လုံးချမ်းသာဆေးဆတူ ၄ ပဲသား ရောစပ်ပြီး သွေးချိုဆီးချိုကျစေရန် ဆင်တုန်းမနွယ်ပြုတ်ရည်ဖြင့် အစာစားပြီးနာရီဝက်ခန့်တွင် ေသာက်နိုင်သည်။ **ဆီးချိုရောဂါတွင် ဆင်တုန်းမနွယ် ပြုတ်ရည်၊ ဗေဒါပြုတ်ရည်၊ သင်္ဘောမညှိုးပင်ပြုတ်ရည်၊ ရှမ်းဆေးခါးပြုတ်ရည်၊ နနွင်းခါးပြုတ်ရည်၊ သိကြားမကိုဋ်ပြုတ်ရည်၊ ကြက်ဟင်းခါး သတ္တုရည်တို့ကို ချင့်ချိန်၍ေသာက်နိုင်သည်။ **နှလုံးအားရှိစေရန်-အဘိဉာဉ်နှလုံးအားတိုးဆေး၂ပဲသားကို နံက်နှင့်ညတွင် ရေအေးဖြင့်ေသာက်နိုင်သည်။ **ကျောက်ကပ်အားကောင်းစေရန်-ဆီးဆေးဖြူ(သို့) ဝိတ္ထမ္ဘိတဆေး ၄ပဲသားကိုသံပရာဖြင့်ေသာက်နိုင်သည်။ ဆီးချိုနာဖြစ်လာလျှင် …… **သောက်ဆေးအနေဖြင့် ဇာတိလဝင်္ဂဆေး၊ ဆေးပုလဲကလာပ်၊ပြည်လုံးချမ်းသာဆေး၊ စက္ခုပါလဆေး။ **အနာသန့်စင်ရန် တြိဖလဖန်ဆေး၊ ဆားခါးနှင့် ပျားရည် **အနာအပြင်လိမ်းရန် ဖ‌ယောင်းညို၊ ရှာစောင်းလတ်ပတ် gel တို့ကို အသုံးပြုနိုင်ပါသည်။ **ဆီးချိုတက်စေသောအစာများ(လျှာပေါ်တင်လိုက်တာနဲ့ချိုသောအစာများ)နှင့် အဆီပါသောအသားများ၊ ဝက်သား၊ ငါးမြင်း နှင့် အေးချိုဆိမ့်အစာများရှောင်ပါ။ (လူသားအားလုံးကျန်းမာချမ်းသာစေကြောင်း ဆုမွန်ကောင်းတောင်းအပ်ပါတယ်ရှင်)

သုခချမ်းသာတိုင်းရင်းဆေး

Open In TikTok:

Region: MM

Sunday 30 August 2026 15:14:27 GMT