@silentwarrior_et: አንዳንድ ጊዜ ናፍቆት ልክ እንደማይታይ የውስጥ ደም መፍሰስ ነው ማንም ሳይሰማ ውስጣችሁን እያደማ ቀስ በቀስ ይጨርሳችኋል። ዛሬም እንደ ትናንቱ.... ያንቺ ናፍቆት እንደ አዲስ እያንገበገበኝ ነው። ሰዎች  ጊዜ ሁሉንም ይፈውሳል  እያሉ ሊያፅናኑኝ ይሞክራሉ። ግን ውሸታቸውን ነው  ጊዜ የናፍቆቴን ጥልቀት እና የአንቺን አለመኖር ከማሳየት ውጪ የፈወሰልኝ አንዲትም ጠብታ ህመም የለም። አይኖቼን ስጨፍን ያ ጥርት ያለ ፊትሽ ይታየኛል ስገልጣቸው የኔው ባዶነት እልም ያለ ጨለማ ሆኖ ይውጠኛል። አንቺን ማጣት ማለት የህይወቴን ትርጉም አብሮ ማጣት እንደሆነ የገባኝ  መተንፈስ እያቃተኝ ስኖር ነው። መቼም አልለይሽም ያልኩሽ ቃል አሁንም በአንደበቴ ላይ አለ  ነገር ግን አንቺ የለሽም። የነካኋቸው ነገሮች ሁሉ አንቺን ያስታውሱኛል  የጠጣሁት ቡና፣ ያዳመጥኩት ሙዚቃ፣ የነፈሰው ንፋስ... ሁሉም ነገር ውስጥ አንቺ አለሽ  ግን ደግሞ አጠገቤ የለሽም። ይህ ናፍቆት ተራ ህመም አይደለም  እኔነቴን የቀማ  ነፍሴን ያኮሰሰ እና ተስፋዬን ያጨለመ ከባድ ማዕበል ነው። መቼም እንደማትመጪ እያወቅኩ  ልቤ ግን ዛሬም በሩን ክፍት አድርጎ አንቺን መጠበቁን አላቆመም። ብቻ... በጣም ናፍቀሽኛል። መኖር እስኪደክመኝ መተንፈስ እስኪያቅተኝ ድረስ ናፍቀሽኛል።

Silent Warrior ⚔️

Open In TikTok:

Region: ET

Sunday 30 August 2026 17:47:03 GMT