2026 දෙවන ගොන්පිට පෙරහැර… හැමෝම දැක්කෙ පෙරහැරේ අසිරිය… ඔබ නොදුටු, දේවාල භූමියේ සිදුකරන චාරිත්‍රවල සිට ගොනුන් පිටට දේවාභරණ වැඩමවීම දක්වා වූ විශේෂ අවස්ථා කෙටියෙන්… 🙏🏻 ගොනුන් පිට දේවාභරණ වැඩමවීම ආරම්භ කල ලංකාවේ පලමු පෙරහැර නවගමුව පත්තිනි දේවාලයේ පෙරහැර එයට ආවේනික දුර්ලභ පෙරහැරකි. පළමුවරට ගොනුන් මත කරඬුව සහ දේවාභරණ වඩමවා ඇත්තේ නවගමු පත්තිනි දේවාලයේ බව ජනතාවගේ මතයයි. ගොනුන් පිට දේවාභරණ වැඩවීම සිදු කරන්නේ ඈත අතීතයේදී සිදු වූ භාරයක් ඔප්පු කිරීම සඳහාය. තමන්ට අයත් ගවයන් කුර කුණුවීමේ වසංගත රෝග රෝගයකට ගොදුරුව එකා පිට එකා මැරෙද්දී කොතරම් ප්‍රතිකාර සහ කෙම් ක්‍රම භාවිතා කල ද සුවයක් දක්නට නොලැබුණු හෙයින් ගවපට්ටිය අයිතිකරුවෝ භාරයක් වීමේ අදහසින් පත්තිනි දේවාලයට පැමිණියහ. තෙරුවන් නැමද පුද පඬුරු ඔප්පු කර කපු තැන හමු වූ මෙම පිරිස පවසා සිටියේ කුර කුණුවීමේ වසංගත රෝග තමන්ගේ ගව සම්පත බේරා දුනහොත් ඇසළ පෙරහැර උත්සවයේ දී තම ගවයින් පිට දේවාභරණ වඩම්මන බවය. පත්තිනි දේවිය උදෙසා භාර වූ ජනතාව පුදුමයෙන් පුදුමයට පත්කරමින් කුර රෝගය නිරෝගී විය. එතනින් සිට ගොනුන් පිට දේවාභරණ වැඩවීමේ පෙරහැර ආරම්භ විය .මෙම දුර්ලභ පෙරහර නරඹන්නට වර්තමානයේ ද අති විශාල ජනතාවක් නවගමුවට පැමිණෙති .මෙවරද විදේශ සංචාරකයින් බොහොමයක් ද මෙම පෙරහර නැරඹීම සඳහා පැමිණියහ. එසේම ප්‍රදේශයේ ගව හිමිකරුවන් තම ගවයන් දේවාල භූමියට රැගෙන එන්නේ තමන්ගේ මුතුන් මිත්තන් පුරාණ කාලයේ දෙවියන්ට බාර වූ භාර පැහැර නොහැර සිද්ධ කිරීමට ය - @isiwarasiritha