@predetoremgmbuj: အမျှော်အမြင် ============              1998  လောက်တုန်း ဆည်မြောင်းမှာ လုပ်ငန်းဝင်ခါစ သူငယ်ချင်းတယောက်က တောထဲမှာ အလုပ် လုပ်ရင်း ခွင့်နဲ့ ပြန်လာတယ် ။ လက်ဖက်ရည်ဆိုင်မှာ လေကန်ကြတော့ သူက... " ဦးသန်းရွှေကြီး ဂေါက်နေလား မသိပါဘူးကွာ အခု ငါတို့လုပ်နေတဲ့ နေရာက တောကြီးမျက်မည်း တောင်ပေါ်မှာကွာ ဆည်လုပ်သတဲ့... အဲဒီဆည်ရေ ပေးရအောင်လည်း ရွာက ကျိုးတိုးကျဲတဲ လူဦးရေ မဖြစ်သလောက် နဲ့ အကျိုးပြုဧရ်ိယာမှာ စိုက်ပျိုးမယ့် လူလည်း မရှိဘူးကွာ...ကြောင်တောင်တောင် နဲ့ ဆည်ကြီးကို ငွေကုန်ခံ အကြီးကြီး ဆောက်နေတာ ဂေါက်နေလို့ ဖြစ်မယ် ''            အဲသလို ပြောသွားလေရဲ့ ။ အဲဒီကာလတွေက ဆည်မြောင်းရွှေခေတ်လေ.. နေရာတကာ ဆည်တွေ တည်ဆောက်နေခဲ့တော့ သူပြောတဲ့ ပေါင်းလောင်းတောထဲက ဆည်တခုသည် ဘာမှမဆန်းတဲ့ ဆည်တွေထဲက ဆည်တခုမျှသာပါပဲ ။            နောက် ၂ နှစ်လောက်နေတော့ အဲဒီ သူငယ်ချင်း ပြန်ရောက်လာပြန်တယ် ... " ဟေ့ကောင်တွေ ငါတို့ လုပ်နေတဲ့ ဆည်က ရေအား လျှပ်စစ်စက်ရုံတည်နေပြီဗျာ ဒီတောကြီးထဲကနေ ဘယ်ကို လျှပ်စစ်မီး ဖြန့်မလဲ မသိဘူး နီးစပ်နေရာမှန်သမျှ တောကြိုအုံကြား ရွာပေါက်စချည်းပဲ ကွ... အလုပ်ပြပြီး ဘက်ဂျက်ခိုးဖို့ နေမှာပါကွာ..''           သူက အဲလိုပြောနေချိန်မှာ ယခု နေပြည်တော် နေရာမှာ ဖုံတလုံးလုံးနဲ့ လမ်းတွေဖောက် တံတားငယ်တွေ ဆောက်နေကြပါပြီ ။ အလုပ်သမားတွေ များစွာခေါ်ယူပြီး နေပြ​ည်တော်ကို အမည်မရှိ မြို့တော်ကြီးအဖြစ် အားသွန်ခွန်စ်ိုက် အခြေခံအဆောက်အဦး များစွာ အုတ်မြစ်ချနေကြပါပြီ ။ 2005 မှာ လမ်းတံတားတွေ ပြီးသွားကာ အစိုးရ ရုံးတွေကို ဆက်လက်တည်ဆောက်နေကြပါပြီ ။           2005 မှာပဲ အဲဒီ တည်ဆောက်ဂွင်ထဲမှာ အင်မတန်အားကောင်းတဲ့ လျှပ်စစ်မီးတွေ သွယ်တန်းရောက်ရှိလာခဲ့ပါတယ် ။ ခါတိုင်း လျှပ်စစ်မီးအားနဲ့ မတူညီပဲ 220 V အပြည့်မို့ အဲခေတ်အခါက အံ့သြစရာပေါ့... ရထားပေါ်ကနေ မီးတွေထိမ်လင်းနေတဲ့ မြို့အသစ်ကြီးကို သွားရေတမျှားမျှားနဲ့ ငေးကြည့်ခဲ့ရတာ သိမှီတွေ အများကြီးပါ ။ ဘယ်ကလာတဲ့ လျှပ်စစ်မီးလဲ ဆိုတော့ အောက်ပေါင်းလောင်း ရေအားလျှပ်စစ်စက်ရုံကတဲ့ ။ မဂ္ဂါဝပ် ၂၈၀ က တည်ဆောက်ဆဲ မြို့သစ် အတွက် ပိုလျှံနေလေရဲ့ ။ လျှပ်စစ်မီးရပြီး ဌာနဆိုင်ရာအဆောက်အအုံတွေ ပြီးချိန် ( 6 - 11 - 2005 ) မှာ ဝန်ထမ်းတွေ စတင်ပြောင်းရွှေ့ အမှုထမ်းကြရပါပြီ ။ ရန်ကုန်နဲ့ အသားကျနေတဲ့ ဝန်ထမ်းတွေဟာ တစ္ဆေမြို့လို မြို့တော်သစ်ကြီးမှာ ဘယ်အသားကျမလဲ... ဝန်ကြီးကနေ ရုံးအကူထိ ဦးသန်းရွှေကြီးကို တောက်လျှောက် မေတ္တာပို့နေကြလေရဲ့ ။              27 - 3 - 2006 တပ်မတော်နေ့မှာ အဆိုပါ မြို့တော်သစ်ကြီးအား နေပြည်တော် အဖြစ် တရားဝင် အမည်ပေးကင်းပွန်းတပ် ခဲ့ပါတယ် ။ အားလုံးက သရော်လှောင်ပြောင်ရင်း တစ္ဆေမြို့တော်ကြီး ဘာညာ နဲ့ ကဲ့ရဲ့ခဲ့ကြတာပေါ့ ။ ဦးသန်းရွှေက တလုံးမှ မတုန့်ပြန်ဘူး ။ နောက်ထပ် အထက်ပေါင်းလောင်း ရေအားလျှပ်စစ်စက်ရုံ အုတ်မြစ်ထပ်ချခဲ့တယ် ။ 2015 မှာ မဂ္ဂါဝပ် ၁၄၀ ထွက်လာပြန်တယ် ။          ဦးသန်းရွှေရဲ့ အမျှော်အမြင် နဲ့ လုပ်ဆောင်ချက်ကို ယခု လက်ရှိနေပြည်တော်ကြီးက သက်သေပြနေပါပြီ ။ ရန်ကုန် နဲ့ နေပြည်တော် သွားရ လာရ အသက်ရှူရတာက အစ ကွာဟချက် ကြီးသွားရပါပြီ ။ -  ဦးသန်းရွှေက သူဖြစ်ချင်တာကို ကြိုတင် လေမကြီးဘူး ဖြစ်အောင်လုပ်ပြသွားခဲ့တယ် ။ - သူက ခိုင်းထားရင် အလုပ်ပြီးသလား အောင်မြင်သလား ဆိုတဲ့ ပေတံနဲ့ပဲ တိုင်းတယ် ၊ အောင်မြင်ရင် OK မအောင်မြင်ရင် GO ပေတော့... ဆင်ခြေ ဆင်လက် ဆိုတာ သူအမုန်းဆုံး ပဲ.. - ခိုင်းပြီးရင် အမြဲတမ်း ကောင်တာချက် လုပ်တယ်.. ဝေလေလေ လုပ်ပြီး သတင်းတုနဲ့ မဖြီးနဲ့ သူက နားတပေါက်မင်းညံ့မဟုတ်ဖူး ဒီ​တော့ သူ့ကို လိမ်မရ ။ မင်းနားတထောင် ဖြစ်အောင် အမြဲအားထုတ်တယ်.... - တိုင်းပြည်ကို မြေပြင်က ပတ်ကြည့်ဖို့ အတွင်းရေးမှူး ၁ / ၂ တာဝန် ၊ သူက မြန်မာပြည်မြေပုံ နေ့တိုင်းကြည့်ပြီး ဒီ နေရာ ဆည်လုပ် ၊ ဒီနေရာနဲ့ ဒီနေရာ လမ်းဖောက် ၊ ဒီနား တံတားဆောက် ဆိုတဲ့ စီမံကိန်းတွေပဲ စဥ်းစားလမ်းညွှန်ခဲ့တယ်...           နေပြည်တော် ရာဇဝင် ပြန်တွေးမိပြီး ရောက်တတ်ရာရာ မျှဝေလိုက်တာပါဗျာ... တချို့ကိစ္စတွေက ကိုယ်က တထွာလောက်ပဲ မြင်ပြီး ဝေဖန်မိရင် တချိန်ကြ ရီစရာဖြစ်နေတတ်တယ်ဗျ......       ကိုရွှေမျိုးဝင်း

PREDETOR

Open In TikTok:

Region: MM

Monday 31 August 2026 04:19:07 GMT