@maxeloradio: MEYARA SHADRACK MALULEKE A SIMEKA NONGONOKO WA DIKGEREKGERE EMAVAMBE MAVAMBE – 31 Mhawuri 2026: Meyara wa Masipala wa Collins Chabane, Khanselara Shadrack Maluleke, namuntlha u simekile ximfumo Nongonoko wa Dikgerekgere eMavambe. Nongonoko lowu wu kongomisiwe eku lunghiseni ka magondzo ya misava lama onhakeke. Ku simekiwa ka nongonoko lowu ku landzela timpfula ta matimba leti neke eku sunguleni ka lembe leri, leti onheke magondzo yo tala eLimpopo ni ku endla leswaku ma tika ku famba eka wona. Loko a ri karhi a nyika mbulavulo, Maluleke u tivise leswaku nongonoko lowu wu ta fikisiwa eka tiwadi hinkwato leti nga ehansi ka Masipala wa Ndhawu wa Collins Chabane. U kombele vatirhi hinkwavo lava katsekaka eka nongonoko lowu, ku katsa vachayeri va michini yo lunghisa magondzo ni vatirhi va swa vuthekiniki va masipala, leswaku un’wana ni un’wana a endla xiave xa yena hi ku tinyiketela. Loko a kombetela eka michini yo lunghisa magondzo, Maluleke u lerise leswaku magondzo ma fanele ma lunghisiwa hi ndlela leyi nga ta tsakisa vaaki. U tlhele a kombela vatirhi va swa vuthekiniki leswaku na vona va hetisisa vutihlamuleri bya vona. Meyara u vule leswaku masipala wu tise michini ya mune yo lunghisa magondzo naswona namuntlha yi ta tirha eka magondzo ya ntlhanu lamakulu e mugangeni wa ka Mavmbe. Maluleke u simekile ximfumo migingiriko ya siku hi ku tsema ribbon, ku nga si sungula tirho wo lunghisa magondzo. Nongonoko wa Dikgerekgere wu languteriwe ku antswisa xiyimo xa magondzo, vuhlayiseki ni mafambelo ya vaaki emigangeni ya masipala.

Maxelo Radio

Open In TikTok:

Region: ZA

Monday 31 August 2026 07:27:24 GMT