@dhammathutalan: ============{ 🙏 }=========== သဗ္ဗဿ- အလုံးစုံသော၊ ဒုက္ခဿ- ဝဋ်ဆင်းရဲ ကို၊ ပဟာနံ- ပယ်ခြင်းသည်၊ သုခံ- ချမ်းသာလှ၏။ အဓိပ္ပာယ်က.. ““ဆင်းရဲဒုက္ခအားလုံးကို ပယ် နိုင်မှ ချမ်းသာမယ်””လို့ ဆိုလိုတာပါ။ ဒီချမ်းသာက နားလည်အောင် တော်တော် ကြိုးစားရမယ်။ ရုပ်နာမ်ခန္ဓာဆိုတာ ဆင်းရဲဒုက္ခတွေ ဖြစ်တယ်။ ဆင်းရဲဆိုရင်တော့ ပယ်နိုင်မှ ချမ်းသာမယ်။ ဒါဆိုရင် ဒီ ရုပ်နာမ်ဒုက္ခတွေကို ဘယ်လို ပယ်မလဲ … … သူတို့ဖြစ်ခြင်းရဲ့ အကြောင်းတရားဖြစ်တဲ့ တဏှာ လောဘ သမုဒယသစ္စာကို ပယ်မှ အကျိုးတရား ဖြစ်တဲ့ ရုပ်နာမ်ဆင်းရဲ ဒုက္ခတွေကို ပယ်နိုင်မယ်။တဏှာလောဘ သမုဒယသစ္စာကို ပယ်ဖို့ဆို တာကလည်း အရဟတ္တမဂ်ဉာဏ် ရမှ ပယ်နိုင်မှာ။ အဲဒီတော့ ဒီ နံပါတ်(၄) ချမ်းသာရဲ့ အဓိပ္ပာယ်က-““အရဟတ္တမဂ်ဉာဏ်ဖြင့် တဏှာလောဘကို ပယ် ပြီးတော့ တဏှာလောဘကြောင့် ဖြစ်လာမယ့် ရုပ် နာမ်ခန္ဓာ ဒုက္ခသစ္စာ ဝဋ်မီးစာတွေ လုံးဝ ချုပ်ငြိမ်း သွားမှ ချမ်းသာမယ်လို့ ဆိုလိုတာ။ ရဟန္တာဖြစ်မှ ချမ်းသာမယ်””လို့ ပြောတာပါပဲ။ အဲဒီတော့ ဒီ ချမ်းသာက အဆင့်အတန်း အမြင့် မားဆုံး ချမ်းသာလို့ ဆိုရမယ်။ ဒီချမ်းသာက ရဖို့မပြောနဲ့ ရချင်စိတ် ပေါက်ဖို့ တောင် သိပ်မလွယ်ဘူးလို့ ထင်တယ်။ ရုပ်နာမ်ခန္ဓာ ဟာ ဆင်းရဲဒုက္ခတွေသာ ဖြစ်လို့မို့ ပယ်နိုင်မှ ချမ်းသာ မယ်လို့ မြတ်စွာဘုရားက ဟောတယ်။ ဦးဇင်းတို့တစ်တွေက ဒီရုပ် ဒီနာမ် ဒီခန္ဓာရဲ့ အပေါ်မှာ ဒါတွေဟာ ဆင်းရဲတွေပဲလို့ မမြင်နိုင်ကြ သေးတော့ ဒါတွေအပေါ်မှာ မက်မောတယ်၊ စွဲလမ်း တယ်၊ ဒါတွေနှင့်ပဲ နေချင်တယ်၊ ဒါတွေနှင့်ပဲ ပျော် နေတယ်။ ဒါတွေကိုပဲ ရှာနေတယ်။ ဒါတွေရတာကိုပဲ ကျေနပ်နေတယ်။ ဆင်းရဲကို ဆင်းရဲမှန်း မသိတော့ ဒီဆင်းရဲ တွေကိုပဲ နှစ်သက် စွဲလမ်းနေတယ်။ အဲဒီ နှစ်သက် စွဲလမ်းမှုကြောင့်ပဲ ဆင်းရဲတွေက ထပ်ထပ်ဖြစ်နေ တယ်။ ဒီလိုနဲ့ ““ဂျာအေး သူ့အမေရိုက်”” လုံးချာ လည်လိုက်နေတယ်။ ဒါကိုပဲ သံသရာလည်တယ်လို့ ခေါ်တာပါပဲ။ ဒါကြောင့် ဒီချမ်းသာကို ရချင်ရင် တဏှာ လောဘကို ပယ်ရမယ်။ တဏှာလောဘကို ပယ်ချင် ရင် ဒုက္ခကို ဒုက္ခမှန်း သိရမယ်။ (ကောင်းတယ် ထင်လို့ တဏှာလောဘက ဖြစ်နေတာကိုး) ဒုက္ခကို ဒုက္ခမှန်း သိချင်ရင် သတိပဋ္ဌာန်ဘာဝနာကို ပွားရ မယ်။ သတိပဋ္ဌာန်ဘာဝနာကို ပွားများမှ ဒုက္ခကို ဒုက္ခ မှန်း သိမယ်။ ဒုက္ခကို ဒုက္ခလို့သိမှ တဏှာလောဘကို ပယ်နိုင်မယ်။ အဲဒီကျမှ ““အလုံးစုံသော ဆင်းရဲဒုက္ခကို ပယ်နိုင်မှ ချမ်းသာမယ်””ဆိုတဲ့ အထွတ်အထိပ် ချမ်းသာဖြစ်တဲ့ နံပါတ်(၄) ချမ်းသာကို ရမယ်။ သစ္စာ ရွှေစည်ဆရာတော် အရှင်ဉတ္တမ သုခ (၁၂)ပါး တရားတော်မှ #သစ္စာရွှေစည်ဆရာတော်အရှင်ဥတ္တမ၏တရားတော် __________________________________ •မူရင်းရေးသားသူ/ •ဖြန့်ဝေသူအားလုံးဂါရဝပြုပါသည် •( #ဓမ္မသုတလမ်း )မှ •"#ဓမ္မဒါန အနေဖြင့်ပြန်လည်မျှဝေပါသည်။ •"ကောင်းမူ နေ့စဉ်ပြုပါ" •Copyဖြင့်သော်၎င်း •Share ဖြင့် သော်၎င်း •ပြန် လည်မျှဝေခြင်းဖြင့်။ • အမြတ်ဆုံးတရားကုသိုလ်ပြုနိင်ပါတယ်"✅ •🙏"သဗ္ဗဒါနံ ဓမ္မဒါနံ ဇိနာတိ "🙏 •🙏"အလှူ အားလုံး ထဲတွင် • တရားအလှူသည် အမြတ်ဆုံးဖြစ်၏"🙏 •ဤ(ရုပ်/နာမ်-ခန္ဓာ)မှပြုခဲ့ရသော •ကောင်းမူအစုစုအား အားလုံးကိုအမျှဝေပါ၏✅ု •🙏 နတ်/လူ သာဓုခေါ်စေသော်။.....🙏 "ဣဒံ မေ ပုညံ နိဗ္ဗာနဿ ပစ္စယော ဟောတု" •“နေရက်တိုင်းမှာစိတ်၏ချမ်းသာခြင်းကိုယ်၏ကျန်းမာခြင်းနှင့်ပြည့်စုံကြပါ‌စေ” _________________________________

ဓမ္မသုတလမ်း

Open In TikTok:

Region: MM

Monday 31 August 2026 08:08:07 GMT