@abdiwelijibrilbayle: Gaalkacyo: Xubno ka tirsan labada gole ee Dowladda Puntland, oo ay ka mid yihiin wasiiro iyo xilal kala duwan, mas’uuliyiinta Gobolka Mudug iyo xubno ka socday Madaxtooyada Dowladda Puntland, ayaa maanta kulan la qaatay waxgaradka beesha Looboge Shiikhaal ee magaalada Gaalkacyo. ‎ ‎Kulanka ayaa diiradda lagu saaray xaaladda ka dhalatay shaqaaqadii dhawaan magaalada Gaalkacyo ku dhexmartay laba beelood oo walaalo ah, taas oo sababtay xiisad amni iyo in ciidamo ka kala tirsan labada dhinac ay isku horfadhiyaan goobaha ay shaqaaqadu ka dhacday kuwaas oo horey heshiis hordhac ah looga gaaray isla markaana la kala diray ciidamadii labada dhinac ee is horfadhiyeeyay dhacdada kadib. ‎ ‎Mas’uuliyiinta iyo waxgaradka ayaa kulanka kaga wada hadlay sidii loo heshiin lahaa, loo ilaalin lahaa xasilloonida magaalada iyo sidii loo xoojin lahaa dadaallada nabadeed ee lagu raadinayo xal waara oo khilaafka lagu soo afjaro.@Marwan Somali 🇸🇴 @Ayuub Hudeyfi @Jama Deperani

H.E Abdiweli Jibril Bayle

Open In TikTok:

Region: SO

Monday 31 August 2026 10:26:37 GMT