@thant95142: ◽ တွေးတောရတဲ့အလုပ်က အင်မတန် ခက်ပါတယ်။ ပိုခက်တာက မတွေးအောင် လုပ်ရတာပါ။ လူတိုင်း တွေးပါတယ်။ တွေးလိုက်တဲ့ အတွေးတိုင်းရဲ့ ၉၉ ဒသမ ၉၉ ရာခိုင်နှုန်းက လက်တွေ့ဖြစ်မလာဘဲ သုံးစားမရတဲ့ အတွေးတွေ ဖြစ်နေမှာပါ။ ◽ တွေးလိုက်တဲ့ အတွေးကြောင့် "ကိုယ့်ကိုယ်ကိုယ် အပြစ်မတင်မိပါစေနဲ့" ခေါင်းထဲ ပေါ်လာသမျှ အတွေးကို ပြန်စီစစ်ပါ။ မကောင်းတဲ့ အတွေးဆိုရင် ကြာကြာတွေးမနေတော့ဘဲ လျစ်လျူရှုပစ်လိုက်ပါ၊ ရင်ထဲကရော ခေါင်းထဲကပါ ထုတ်လိုက်ပါ။ လွယ်တော့ မလွယ်ပေမယ့် ဖြေးဖြေးချင်း ထုတ်ပြစ်ပါ။ အတွေးဆိုးတွေကို ပေးနိုင်မယ့် နေရာကနေ ခဏလောက်ဖြစ်ဖြစ် ရှောင်ထွက်လိုက်ပါ။ ညအိပ်ခါနီး သောကများနေရရင် များနေရတဲ့ သောကကို အာရုံစိုက်ပြီး ပြဿနာက တစ်ခုချင်းအတွက် အချိန်ယူ တွေးကြည့်ပါ။ အဆင့်ခွဲပြီး ပေါ့ပါးတဲ့ ပြဿနာကို ခေါင်းထဲကနေ တစ်ခုချင်း ရှင်းထုတ်လိုက်ပါ။ ခေါင်းရှင်းမှ စိတ်ကြည်မှာပါ။ စိတ်ကြည်လင်မှု ရှိနေမှ အာရုံစူးစိုက်မှု အားကောင်းလာပြီး လုပ်သင့်တာကို လုပ်နိုင်မှာပါ။ ◽ ခေါင်းထဲဖြစ်နေတဲ့ အတွေးဆိုတာလည်း မကြာခဏ အတွေးလေလွင့်တာမျိုး ဖြစ်သွားတတ်ပေမယ့် စိတ်ပင်ပန်းစရာတွေ တွေးမိတိုင်း မခံစားတော့ဘဲ အတွေးမလွန်အောင် ထိန်းလိုက်ပါ။ ဒေါသထွက်စရာဆိုရင်လည်း မြိုချလိုက်ပြီး မေ့မေ့ပျောက်ပျောက်ဖြစ်သလို နေလိုက်ပါ။ အခဲမကျေစရာ ဖြစ်လာရင်လည်း မှတ်ထားပြီး စိတ်မပင်ပန်းအောင် အတွေးပြောင်းလိုက်ပါ။ ◽ တဖြည်းဖြည်း အတွေးကို လေ့ကျင့်ရင်းကနေ အကျင့်ဖြစ်လာမယ်။ ဘာကိုမှ ခံစားပြီး တွေးမနေတော့ဘူး။ အလုပ်သဘောဆိုရင် အလုပ်ခံစားချက်ပဲထား။ အချစ်ရေး၊ အိမ်ထောင်ရေးဆိုရင်လည်း အပျက်ဘက် မတွေးတော့ဘဲ အကောင်းဆုံး အမှတ်တရတွေနဲ့ ပူပန်သောကတွေကို ဖုံးထားလိုက်ရင်း ပျော်ရွှင်ခဲ့တာလေးတွေ တွေးပြီး အတွေးဖာလိုက်ပါ။ အတွေးရဲ့ ထိန်းချုပ်မှုကို မခံဘဲ ပြန်ထိန်းညှိတတ်လာတဲ့နောက် အရင်ကထက် စိတ်ပေါ့လာမယ်။ ဝမ်းနည်းရတာတွေ တော်ရုံမဖြစ်တော့ဘူး။ စိတ်မာတတ်လာမယ်။ အားမနာတတ်တော့ဘဲ သူများကို မထိခိုက်စေတဲ့ အတ္တစိတ်မျိုး မွေးမိလျက်သား ဖြစ်သွားမယ်။ ◽ တစ်ခါတလေတော့ အကြောက်စိတ်၊ သောကစိတ်တွေ ဖြစ်နိုင်ပေမယ့် အရင်တုန်းကလို အချိန်အကြာကြီး မခံစားရတော့ဘူး။ ကောင်းတဲ့အတွေးတွေက သူ့နည်း သူ့ဟန် အစားထိုးလာပြီး အဆင်ပြေသွားပါလိမ့်မယ်။ ဘာဖြစ်ဖြစ် အတွေး မများပါနဲ့...။ 📚 စာအုပ်လေးများကို စုံစမ်းမေးမြန်းပြီး မှာယူလိုပါက 💬 Comment ရေးပေးပါ၊ သို့မဟုတ် CB ဖြင့် ဆက်သွယ်ပါ။ ✨ လိုအပ်တဲ့အချိန် ဆက်သွယ်လိုက်ပါနော် #တည့်တည့်တွေး #မောရိသျှ #thinkstraight #HouseOfSarrain #အွန်လိုင်းစာအုပ်ဆိုင်

House Of Sarrain

Open In TikTok:

Region: MM

Monday 31 August 2026 10:31:35 GMT