@khaan3887: Haa, run ahaan muu jirin qof aan adiga kaa jeclaa. Waxa jirtay wakhti aan xaggaaga u soo boholyoobi jiray, qalbi iyo maskaxna adiga kaliya ku xiran. Adigu waxaad ahayd suldaamaddii naftayda, tan aan dumarka oo dhan ka doortay, tan aan u arkayay inay tahay dookhayga ugu dambeeya. Ma jirin ruux iiga dhawaa, mana jirin qof aan adiga kaa jeclaa; adigaa ahaa bilowgayga iyo rajadayda, adigaa ahaa qofka aan mustaqbalkeyga la wadaagay riyo kasta oo qalbigayga ka dhalata. Laakiin maanta, wax walba sidoodii ma aha. Wakhtigu wuu is beddelay, aniguna waan ku waayay. Waad iga fogaatay, masaafad aanan filayn ayaad dhexdeenna gelisay. Kuma canaananayo fogaantaada, sababtoo ah mararka qaar qofku ma dooran karo waxa qalbigiisa ku qoran. Waxaa laga yaabaa inaanan noqon kii aad u baahnayd, ama kii ku dhammaystiri lahaa dareenkaaga. Waxaa laga yaabaa inaanan ahayn dookhaaga saxda ah, inkastoo adigu aad ahayd dookhaygii ugu dambeeyay. Hadda, waxa keliya ee aan haysto waa xusuustaada; hadalladii macaanaa, qosolkii qalbiga dejin jiray, iyo dareenkii quruxda badnaa ee adiga kaliya aan ku hayay. Xusuustaas mararka qaar way i dhaawacdaa, mararka qaarna way i dejisaa, balse marna kama dhammaanayso qalbigayga. Jacaylka aan kuu qabay ma ahayn mid ciyaar ah, wuxuuna ahaa mid daacad ah, inkastoo uusan helin dhammaadkii aan rajaynayay. Waan ku jeclaa, welina xusuusta jacaylkaa waan sidaa, balse waan ku waayay. Si kastaba ha ahaatee, kama xumi. Waxaan kuu rajaynayaa nolol ka sarreysa tan aad maanta ku jirto, nolol farxad iyo horumar ku dheehan. Noqo gabar guulaysata, mid horumar waara gaarta, mid mar walba madaxa kor u qaadda. Haddii aanan noloshaada ka mid noqon, ugu yaraan aan noqdo qof qalbigiisa si daacad ah kuu jeclaa oo kuu rajeeyay guul iyo barwaaqo. Anigu xusuustaada ayaan la sii noolaan doonaa, adiguna mustaqbalkaaga u sii soco adigoo ifaya. Taasi waa jacaylkii iiga haray adiga

khaan

Open In TikTok:

Region: SO

Monday 31 August 2026 11:12:32 GMT