သွားထိတဲ့သူတိုင်း ပူစေတယ်။ ဘဝမှာ “တစ်ခါလောက် စမ်းကြည့်တာပါ” ဆိုပြီး လက်တည့်မစမ်းသင့်တဲ့အရာတွေ ရှိတယ်။ ဘာလို့လဲဆိုတော့ တချို့အရာတွေက ဝင်ဖို့လွယ်ပေမယ့် ပြန်ထွက်ဖို့ အရမ်းခက်လို့ပါ။ အထူးသဖြင့် ဒီ (၅) ခုကို ဘဝမှာ တတ်နိုင်သမျှ ဝေးဝေးနေပါ။ (၁) လောင်းကစား အစမှာ “ပျော်လို့ပါ” “နည်းနည်းပဲ” “ဒီတစ်ခါပဲ” ဆိုပြီး စတတ်တယ်။ နိုင်ရင် ပိုကစားချင်လာတယ်။ ရှုံးရင် ပြန်နိုင်ချင်လာတယ်။ နောက်ဆုံးမှာ.. ပိုက်ဆံကို ရှာဖို့အတွက်.. လောင်းကစားကို မသုံးတော့ဘဲ။ လောင်းကစားလုပ်ဖို့အတွက် ပိုက်ဆံကို ရှာနေရတဲ့ဘဝ ဖြစ်လာတတ်တယ်။ လောင်းကစားမှာ အန္တရာယ်က ပိုက်ဆံရှုံးတာတင် မဟုတ်ဘူး။ ကိုယ့်ရဲ့ ဆုံးဖြတ်နိုင်စွမ်း၊ အချိန်နဲ့ မိသားစုဆက်ဆံရေးတွေပါ တဖြည်းဖြည်း ဆုံးရှုံးလာနိုင်တာပါ။ (၂) မူးယစ်ဆေးဝါး “တစ်ခါလောက်ပဲ” ဆိုတာက တချို့လူတွေအတွက် ဘဝတစ်လျှောက် ပြန်မထွက်နိုင်တော့တဲ့ တံခါးတစ်ချပ် ဖြစ်သွားနိုင်တယ်။ ခဏတာခံစားချက်အတွက် ကိုယ့်ရဲ့ အနာဂတ်ကို အလဲအလှယ်မလုပ်ပါနဲ့။ မစမ်းတာက အရှုံးမဟုတ်ဘူး။ မစမ်းနိုင်တာက ကိုယ့်ဘဝကို ကိုယ်ကာကွယ်နိုင်တာပါ။ (၃) အကြွေးနဲ့ နေထိုင်မှု အကြွေးဆိုတာ လိုအပ်တဲ့အချိန်မှာ အသုံးဝင်နိုင်တယ်။ ဒါပေမယ့် မလိုအပ်တာကို “အခုဝယ်လိုက်မယ်၊ နောက်မှပေးမယ်” ဆိုပြီး အကြွေးနဲ့ ဖြည့်နေမိရင်… ဒီနေ့ရဲ့ ပျော်ရွှင်မှုအတွက် မနက်ဖြန်ရဲ့ လစာကို ကြိုသုံးနေတဲ့ဘဝ ဖြစ်လာတတ်တယ်။ အကြွေးများလာတာနဲ့အမျှ ကိုယ်ရှာတဲ့ငွေက ကိုယ့်အတွက် မဟုတ်တော့ဘဲ အကြွေးဆပ်ဖို့အတွက် ဖြစ်လာတတ်တယ်။ (၄) အကျင့်ပျက်စေတဲ့ ပတ်ဝန်းကျင် လူတစ်ယောက်ရဲ့ဘဝကို သူ့ရဲ့အကျင့်တွေက ပြောင်းလဲသလို သူပေါင်းသင်းနေတဲ့လူတွေကလည်း အများကြီး သက်ရောက်တယ်။ နေ့တိုင်း အချိန်ဖြုန်းတဲ့လူတွေနဲ့ နေတတ်လာရင် အချိန်ဖြုန်းတာ ပုံမှန်ဖြစ်လာတယ်။ နေ့တိုင်း မကောင်းတဲ့အရာတွေပဲ ပြောနေတဲ့ပတ်ဝန်းကျင်ထဲမှာ နေကြာလာရင် ကိုယ့်အတွေးအခေါ်တောင် ပြောင်းလာတတ်တယ်။ ဒါကြောင့် ကိုယ့်ဘဝကို ဆွဲချနေတဲ့ ပတ်ဝန်းကျင်တချို့ကို ဝေးဝေးနေတတ်ဖို့လိုတယ်။ (၅) ခဏတာပျော်ရွှင်မှုနဲ့ အနာဂတ်ကို လဲလှယ်ခြင်း ဒီအရာကတော့ လူတော်တော်များများ သတိမထားမိတဲ့ အန္တရာယ်တစ်ခုပါ။ ဒီနေ့ ပျော်ချင်တယ်။ ဒီနေ့ သုံးချင်တယ်။ ဒီနေ့ အပျော်လိုက်ချင်တယ်။ ဒါပေမယ့် မနက်ဖြန်အတွက် ဘာမှမကျန်ဘူး။ ဒီလိုနဲ့ နှစ်တွေကြာလာတဲ့အခါ အသက်က ကြီးလာပေမယ့် ဘဝက အရင်နေရာမှာပဲ ရှိနေတတ်တယ်။ ဘဝမှာ မစမ်းသင့်တဲ့အရာတွေကို သိတာက တကယ်တော့ ပညာတစ်မျိုးပါ။ အရာအားလုံးကို ကိုယ်တိုင်ဝင်ပြီးမှ “ဒါမကောင်းဘူး” လို့ သိစရာမလိုဘူး။ သူများကျသွားတဲ့တွင်းကို ကိုယ်ပါလိုက်ကျပြီး အနက်သိစရာမလိုဘူး။ တချို့လမ်းတွေက သွားကြည့်ဖို့မလိုဘူး။ အဆုံးမှာ ဘာရှိလဲဆိုတာ သိပြီးသားဆိုရင် အဲ့ဒီလမ်းကို မလျှောက်တာက အကောင်းဆုံး ဆုံးဖြတ်ချက်ပဲ။ ဒါကြောင့်… ဘဝမှာ “တစ်ခါလောက်တော့ စမ်းကြည့်မယ်” လို့ မပြောသင့်တဲ့အရာတွေ ရှိတယ်။ မင်းဘဝကို တိုးတက်စေမယ့်အရာတွေကိုပဲ လက်တည့်စမ်းပါ။ မင်းအနာဂတ်ကို ပျက်စီးစေနိုင်တဲ့အရာတွေကိုတော့ အစကတည်းက “မလုပ်ဘူး” လို့ ဆုံးဖြတ်ထားပါ။ ဘာလို့လဲဆိုတော့… ဘဝကို ပြောင်းလဲစေတဲ့ ဆုံးဖြတ်ချက်ကြီးတွေက တစ်ခါတလေ “ဘာလုပ်မလဲ” ဆိုတာထက် “ဘာကို မလုပ်ဘူးလဲ” ဆိုတာကနေ စတတ်လို့ပါ။ #kyawtundiscover #လူငယ် #controlyourself #mindset #SelfImprovement Credit with respect own. - @kyukyu8759