=>Seenaa garaa nama nyaatudha. Dubbisaa! Maalin na Yaadatta laata ❓ 🧓Mucaa harka qalleessa tokkotu naannoo tokko ture. Mucichi yeroo hundumaa balfa keessa deemee waan nyaatu barbaaddata ture. Keessumaa ganama ganama balfa sana keessaa hin dhabamu. Guyyaa tokko gurbaan maatiin isaa sooreyyii ta'an tokko ganamaan karaa balfa sanaa yoo darbu, mucaa balfa keessaa waan nyaatu barbaaddatu argee itti gore. Mucichaanis akkas jedheen. "Maal goota as keessaa?" Mucaan hiyyeessi sunis, "Waanan nyaadhun barbaaddadha"jedheen. Gurbaan sooressi sun deebisee, "Balfa kana keessaa guurtee yeroo nyaattu dhukkuba sitti hin ta'uu?"jedheen. Mucaan hiyyeessi sun deebisee, "Yoon as keessaa hin barbaadu ta'e, du'a duwwaatu na eeggata. Haati koo asuma naannoo keenya kanatti qaama hin beekamneen rukutamtee duute. Ergasii nama hojjatee na jiraachisu nan dhabe. Carraan ani qabu du'uurra kana ta'e" jedheen. Gurbaan sooressi sunis gaddeefii akkas jedheen. "Nuyi qabeenya hedduu qabna. Gamoo, Konkolaataa fi maallaqa gahaas qabna. Kuunnoo...qubaan agarsiisaa, kanaafuu, ganama ganama naannoo mana kee kanatti nyaata gahaa fi gaarii siifan fida" jedhee waadaa galeefii deeme. Gurbaan sunis akkuma jedhe fiduufii itti fufe. Mucaan hiyyeessi sun balfa keessaa nyaachuu dagate. Gaafa tokko ganama eegee homaa dhabe. Gurbaan nyaata fiduuf sun ni hafe. Imimmaan dhangalaasaa waan biraa filannoo waan hin qabneef, gara balfa sanaatti deebi'e. Yeroo inni achi gahu, namichi konkolaataan deemu tokko dhaqee konkolaataa isaa mucicha bira dhaabe. Ofitti waamees, "Nyaata kana ilma kootu siif erg!"jedheen. Mucichis imommawn dhangalaasaa, "Maaloo ilmi kee eessa jira? Bakka inni jiru na geessuu dandeessaa?"jedheen. Namichis, "Akkuma tasaa dhukkubaan qabamee, hospitaala galee jira!"jedheen. Mucaan hiyyeessi sunis, "Maaloo tole naaf jedhi! Isa bira na geessi!"jedheen. Namichis tole jedhee fudhatee deeme. Yeroo achi gahan, gurbaan abbaan isaa sooressi sun, siree irra ciisee jira. Innis mucaa hiyyeessa sanaan, "Maaloo dhiifama; har'a sirraan ture. Nyaata ani siif erge nyaattee,?"jedheen. Mucaan hiyyee hiyyeessi sunis ,"Nyaata ati naaf ergite sana nyaadheera"jedhee imimmaan dhangalaase. "Akka ogeessi naan jedhetti haalli koo hamaadha. Yoon boqodhe 'Maaliin na yaadatta laata?"Jedheen . Mucaan hiyyeessi sunis, "Isa nyaata naaf fidaa turtes miti; qabeenya keessaniinis miti; konkolaattota qabdaniinis miti; #Gaarummaa__arjummaa__fi_gara_laafina keetiinan si yaadadha"jedhee imimmaan lakkuu lakkuu lolaase. Gurbaan sooressi sunis, #Xiqqoo__seeqee erga gammaduu isaa ibseen booda, hafuura dheeraa baafatee, #achumaan hafe. Ni boqote. Argitee? Mee of ilaali! 😑Yoo tasa ammuma addunyaa kanarraa #godaante , namoota maaliin si yaadatan of biraa qabda laata? 😌Sammuu dhalootaa keessatti hambaa akkamii hambifattee deemta laata? #Ofiif__deebisi ! Namni dubbisu hin badu! Baga dubbiste! Yoo sitti tole share godhii darbi Maxxansi koo biroon akka si qaqqabuuf tiktok koo FOLLOW godhaa 🙏 - @muhamed.ali9497