@thetnaingoo3725: #: အသိတစ်ယောက်က မေးဖူးတယ်... ချစ်နေတဲ့သူကို စွန့်လွှတ်လိုက်ရတာတောင် ဘာမှမဖြစ်သလို ဘယ်လိုနေနိုင်ရတာလဲ... တဲ့။ ကျွန်တော် ခဏငြိမ်သွားပြီး "ငါ.. တကယ်ချစ်တတ်လာလို့ပါ" လို့ပဲ ပြန်ဖြေဖြစ်ခဲ့တယ်။ သူက နားမလည်နိုင်တဲ့ မျက်ဝန်းတွေနဲ့ ကြည့်နေခဲ့တယ်။ တကယ်တော့ လူတစ်ယောက်ကို ချစ်တယ်ဆိုတာ အပိုင်သိမ်းချင်တာ မဟုတ်ဘူး။ ကိုယ့်နားမှာ မဖြစ်မနေရှိနေရမယ်ဆိုတဲ့ အတ္တတွေ လျော့နည်းလာတဲ့အခါ ချစ်ခြင်းက ပိုပြီး အေးချမ်းလာတတ်တယ်။ ချစ်ပေမဲ့ မပူလောင်တော့ဘူး။ တွယ်တာပေမဲ့ မဖမ်းဆုပ်တော့ဘူး။ ကိုယ့်အတွက်ဆိုတာထက် သူပျော်ဖို့၊ သူအဆင်ပြေဖို့ကိုပဲ ပိုတွေးတတ်လာတယ်။ ဒါကြောင့် စွန့်လွှတ်ရတဲ့အချိန်မှာတောင် မုန်းတီးခြင်းတွေ မရှိတော့ဘူး။ ကိုယ့်အနားမှာရှိနေခဲ့တုန်းက အတတ်နိုင်ဆုံး တန်ဖိုးထားခဲ့တယ်၊ ကောင်းပေးနိုင်ခဲ့တယ်ဆိုတဲ့ အသိကြောင့် နောင်တတွေလည်း မကျန်တော့ဘူး။ တဖြည်းဖြည်းနဲ့ ဒီလူက ငါ့အပိုင် ဒီအရာက ငါ့ဟာ ဆိုတဲ့ အတ္တတွေ နည်းလာတဲ့အခါ... ဆုံးရှုံးမှုဆိုတာထက် ခဏတာ လာပြီး ခဏတာ နေသွားခဲ့တဲ့ အဖိုးတန်အမှတ်တရ လို့ပဲ မြင်တတ်လာတယ်။ အဲ့ဒီနေ့ကစပြီး ဘဝဟာ အရင်ကထက် ပိုပေါ့ပါးလာခဲ့တယ်။ ☺️💔

189

There are no more comments for this video.

To see more videos from user @thetnaingoo3725, please go to the Tikwm homepage.