@ahmedgall6: في حاجات بنتعب فيها لدرجة بننسى نسأل نفسنا: نحنا بنحارب عشان شنو أصلًا؟ بنواصل الطريق لأننا بدينا فيه، وبنتمسك بالحاجة لأننا صرفنا عليها عمر ومشاعر وتعب، وبنفتكر إنو التراجع هزيمة. لكن الأيام بتعلمك درس قاسي: ما كل معركة تستحق إنك تكملها. في معارك كل يوم بتقضي فيها جزء من روحك، وكل خطوة لقدام بتاخد منك أكتر مما بتديك. ومع ذلك بتواصل، خوفًا من إنك تُحسب مهزوم. لحدي ما يجي يوم تفهم فيه إنو الهزيمة الحقيقية ما إنك توقف... الهزيمة الحقيقية إنك تضيع نفسك في معركة ما كان عندها نصر من البداية. وعندها بس بتعرف إنو بعض المعارك ما بتكسبها بالإصرار، ولا بالصبر، ولا بطول النفس... بتكسبها اللحظة البتقرر فيها إنو سلامك أهم من الانتصار، وإنو النجاة أهم من الإثبات، وإنو المحافظة على نفسك تستحق أكتر من أي معركة كانت بتستهلكك. احيانآ اكبر انتصار في حياتك مابكون الحاجة الكسبتها… بكون الحاجة البطلت تحارب عشانها✨

(✪✪) كـلـمـات خـفـيـفة (✪✪)

Open In TikTok:

Region: SD

Monday 31 August 2026 15:45:57 GMT