@.88.58: Miyaan kaga waramay dunidii edaa badnayd? Dunidii aan markii hore moodayay inay fududahay, balse maalinba maalinta ka dambaysa aan ka bartay wejigeeda kale. Dunidii ku baraysa in wax walba aysan ahayn sida ay indhuhu kuu tusaan, in dadku mararka qaar yihiin casharro kuu socda, iyo in meelaha aad ugu malaynayso nabad ay mararka qaar kuugu qarsoonto imtixaan. Miyaan kaga waramay maalmo aan wax badan fahmay anigoo aan cidna wax weydiin? Maalmo aan ogaaday in aamusnaantu aysan ahayn tabar, balse ay tahay mararka qaar jawaabta keliya ee qofku haysto. Waxaan bartay in qalbigu uu xasuusto waxyaabo maskaxdu isku daydo inay illowdo, iyo in qofku mararka qaar naftiisa ka dhex waayo raadinta wax uu qof kale ka waayay. Dunidu way ballaaran tahay, laakiin casharradeedu way ka sii waaweyn yihiin. Waxay ku bartaa inaad dadka jeclaato adigoon naftaada lumin, inaad cafiso adigoon wixii dhacay inkirin, iyo inaad sii socoto xitaa marka waddadii hore aysan kuu sii muuqan. Miyaan kaga waramay dunidii edaa badnayd? Waxay i bartay inaanan qof walba u sheegin waxa qalbigayga yaalla, inaanan meel walba ka raadin faham, iyo inaan ogaado in mararka qaar qofka aad u baahan tahay inuu ku fahmo uu yahay naftaada. Wax badan ayaan dunida ka bartay… Laakiin casharka ugu weyn wuxuu ahaa: Qofku marka uu naftiisa barto, dunidu awood uma yeelato inay si fudud u lumiso.

Meymo.🩷

Open In TikTok:

Region: SO

Monday 31 August 2026 17:32:51 GMT