@ummu_0989: Ota-onalar choyga soladigan qandga o‘xshaydilar… Hayotimizni shirin qilib, o‘zlari esa sezdirmay erib ketadilar. Bolaligimizda buni anglamas ekanmiz. Ularning nasihatlarini ortiqcha gap, talablarini esa cheklov deb bilardik. Biz ulg‘ayganimiz sari esa ularning har bir “o‘zingni ehtiyot qil”, har bir kutishi, har bir jim qarashi ortida qanday ulkan mehr va fidoyilik borligini tushuna boshlarkanmiz. Endi katta bo‘lib, bir narsani anglayapman: ular bizga hayot beribgina qolmay, butun umrlarini hayotimizni chiroyli qilishga bag‘ishlashar ekan. Biz kulishimiz uchun ular tashvishlarini yashirishar, biz to‘q bo‘lishimiz uchun o‘z ehtiyojlarini unutishar, bizning kelajagimiz uchun bugunlarini fido qilishar ekan. Qand choyga o‘z shirinligini berib, o‘zi yo‘qolganidek, ota-onalar ham bizga mehrlarini, vaqtlarini, kuchlarini berib, yillar o‘tgan sayin sezdirmay “erib” borishar ekan… Eng achinarlisi, buni biz ko‘pincha juda kech anglaymiz. Ularning sochlariga oq tushganda, qo‘llaridagi ajinlarni ko‘rganda, avvalgidek bardam emasliklarini sezganimizdagina, biz uchun qancha narsadan voz kechganlarini tushunib yetamiz.Shuning uchun ota-onamiz yonimizdaligida ularni qadrlaylik. Mehrimizni ertaga qoldirmaylik. Bir kun kelib, “nega ko‘proq quchoqlamabman, nega ko‘proq vaqt ajratmabman?” deb armon qilmaslik uchun bugun ularning ko‘nglini olaylik. Chunki ota-onaning o‘rni hech kim bilan to‘lmaydi. To’g’ri biz boy oilada katta bo’lmadik, lekin ota-onamiz ko’zimizni to’q qilib o’stirdilar, birovga hasad qilish tuyg’usini sezmadik, bizga qo’llaridan kelgan barcha imkoniyatlarni yaratib berishyapti, Allahim ulardan rozi bo’lsin, ota-onamiz bizga qanday mehribon va rahmli bo’lgan bo’lsa, Alloh ham ularga rahm qilsin, ameen.

💎🩵 نصيبة 🩵💎

Open In TikTok:

Region: FR

Monday 31 August 2026 17:53:19 GMT