@bekk.studio: Islom Abdug‘aniyevich Karimov (1938-yil 30-yanvar, Samarqand — 2016-yil 2-sentabr, Toshkent) — O‘zbekiston Respublikasining Birinchi Prezidenti, mustaqil O‘zbekiston davlatining asoschisi va taniqli siyosat arbobi. ​O‘rta Osiyo Politexnika hamda Toshkent davlat iqtisodiyot universitetlarini tamomlab, muhandis va iqtisodchi mutaxassisliklariga ega bo‘lgan Islom Karimov o‘z mehnat faoliyatini "Tashselmash" zavodi va Toshkent aviatsiya ishlab chiqarish birlashmasida (TAPOiCh) oddiy muhandislikdan boshlagan. Keyinchalik O‘zbekiston SSR Davlat plan qo‘mitasida yetakchi mutaxassis, Moliya vaziri va Qashqadaryo viloyati partiya qo‘mitasining birinchi kotibi lavozimlarida faoliyat yuritgan. 1989-yilda O‘zbekiston Kommunistik partiyasi Markaziy Qo‘mitasining birinchi kotibi, 1990-yil 24-martda esa O‘zbekiston SSR Prezidenti etib saylangan. ​1991-yil 31-avgustda O‘zbekiston Respublikasining davlat mustaqilligini e'lon qilib, 1991-yil 29-dekabrdagi umumxalq saylovida mamlakatning Birinchi Prezidenti etib saylandi va 2016-yilgacha davlatni boshqardi. Uning rahbarligida bozorgan o‘tishning "O‘zbek modeli" ishlab chiqildi, davlat suvereniteti, chegaralar daxlsizligi hamda mintaqaviy xavfsizlik mustahkamlandi. "Biz hech qachon hech kimdan kam bo‘lmaganmiz va kam bo‘lmaymiz!" shiori va "Yuksak ma'naviyat — yengilmas kuch" kabi asarlari orqali milliy o‘zlikni anglash, Amir Temur kabi buyuk ajdodlar merosini tiklash hamda milliy qadriyatlarni rivojlantirishga ulkan hissa qo‘shdi. ​Bugungi kunda uning xotirasini abadiylashtirish maqsadida Toshkent xalqaro aeroporti, Toshkent davlat texnika universiteti va bir qator yirik muassasalarga Islom Karimov nomi berilgan, Toshkent, Samarqand va Qarshi shaharlarida haykallari hamda Samarqanddagi Hazrati Xizr majmuasida maqbarasi barpo etilgan.

🍃O͜͡l͜͡m͜͡o͜͡s͜͡b͜͡e͜͡k͜͡🍃

Open In TikTok:

Region: UZ

Monday 31 August 2026 18:01:47 GMT