@dlzar999: ئیمامى (بوخاریى) لە (جوندب)ـەوە دەگێڕێتەوە (جبریل) بۆ ماوەیەک لە هێنانى وەحى دوا کەوت، ئینجا موشریکەکان وتیان: دیارە خوا دەست بەردارى موحەممەد بووە! ئەوجا خواى باڵا دەست سوورەتى: (والضحى، واليل إذا سجى، ماودعك ربك وما قلى..)ى دابەزاند. صحيح البخاري، كتاب الجمعة، أبواب تقصير الصلاة، باب ترك القيام للمريض، حديث: ‏١٠٨٦‏. ( وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ ) بەڵێ ئەم دنیایە، بۆ کەس بەقاى نیە، بۆیە پێغەمبەران و پەیڕەوانیان دواى نەکەوتوون و چاویان هەر لە قیامەتەوە بووە، بۆیە خواى دلۆڤان بە پێغەمبەر دەفەرموێ: (٤ وَلَلْآخِرَةُ خَيْرٌ لَّكَ مِنَ الْأُولَىٰ ) بێگومانبە ئەو دنیا چاکترە بۆت لەم دنیاى یەکەمە، ئێستایش ئایینەکەت ڕۆژ لە دواى ڕۆژ بە پایان دەگات، هەر بۆیە دواى ئەو ئامۆژگاریەى خوایە، پێغەمبەر دنیاى زۆر بە کەم سەیر دەکردو شێوەى ژیان و حەوانەوەى زۆر سادە بوو، (عبداللەى کوڕى مەسعوود) دەڵێ: لەسەر حەسیر -کە لە پووشى خورما گیرابوویەوە- ڕا دەکشاو، بە قەبەرغەیشیەوە جێگاى دیاربوو، منیش بۆم دەتەکان و پێمدەگوت: ئەرێ بۆ شتێک نەخەین بەسەر حەسیرەکەدا هەتا بە قەبرغەتەوە دیار نەبێت؟ فەرمووى: ((ماَ لِي ولِلدُّنْياَ؟ ماَ أَناَ والدُّنْياَ؟ إنَّماَ مَثَلَي ومَثَلُ الدُّنياَ كَراَكِبٍ ظَلَّ تَحْتَ شَجَرةٍ، ثُمَّ راَحَ وَتَرَكَهاَ)) (مسند أحمد بن حنبل، ومن مسند بني هاشم، مسند عبد الله بن مسعود، حديث: ‏٣٥٨٢‏، قال الأرنأووط: حديث صحيح) واتە: من چیمە بەسەر دنیاوە؟ چاک بزانن کە نەقڵى من و دنیا وەک ئەو سوارە وایە لە سێبەرى درەختێکدا دەحەوێتەوەو، پاشان هەڵدەسێ و بەجێی دێڵێت، کەوابو ئێوەش ئەى ئوممەتى ئیماندار! ئەوەند پشت بە دنیاوە مەبەستن.#تەفسیری_ڕامان #مهدي_الشيشاني #سورة_الضحي