@feynuuska: BERI REERKAYAGU GUUR! Beri reerkayagu guur Guuryoo galbeed qabay Waxaraha wad la i yidhi Wadi maayo baan idhi Usha dhebi la soo qaad! Waday oo wadaanwaday Tiriyoo tiraa maqan Tiro qoor cas baa maqan Tiro wada orgaa maqan Doondoonay oo helay Afar xagar ka soo riday Afar xawdh ku soo xagay Doob geed hurdaan helay Doobow ayaad tahay? Doob Ciise Maxamuud Adiguna ayaad tahay? Samatara Ogaadeen Ma is guursannaa yidhi? Diid-diiday dhawr jeer Iska daba hulleelay Meel dhigo la taagtaag Laxda meher la soo qabay Misig dhooran lay keen Hudhayoo halkeer dhigay Dhiil caano lay keen Kabbadoo halkeer dhigay Geel baan arkoonnay Geelii Ba-baasla' Koran baw horreeya Koran baw dhexeeya Koran baw dambeeya Ka dhexaan ku booday Kuruskaan xafuujay Miiddaa hilaacday Naa ma i la fuuqsan Fuuqsan maayo bay tidhi Amba wayska fuuqsan! Oo maxaad ku fuuqsan? Middidayda daab-cad Oo kariba maysee! Geeskayga goodir Oo wuu gammuurmiye! Reer Cali Caddaawe Ayaan middi u doonan Oo shalayba guurye! Naa laago laago Naa laan galoola Naa ma i la diiran Oo maxaad ku diiran? Middidayda daabcad Daabkaa dillaaci Buul baan arkoonnay Buulkii Ba-baasla' Oday baa dhex jiifa Islaan baa doc laaban Inan baw dheexeeya Digsi baa dab saaran Shidhix baa kaa taagan Shidhixaan la booday Baaslaa igu booddey Baaslaay barooro Biyo kulul ku maydho Buul caaro seexo! Waa hees ay is ku maaweelin jireen gabdhaha yaryari kolka ay hawsha ka nastaan ama ay caweynayaan habeenkii, meeris walba waxaa la daba dhigaa erayga "Haawiyee." Maxaad ka xusuusataa? Se deegaankaaga ma laga adeegsadaa?

Axmed Daahir

Open In TikTok:

Region: SO

Monday 31 August 2026 18:28:37 GMT