شانازی بە خۆتەوە بکە، نەک تەنها بۆ ئەو شتانەی بەدەستهێناوە، بەڵکو بۆخاتری هەوڵەکانت لە ڕێگای ژیانتدا… شانازی بە خۆت بکە بۆ ئەو هەموو جارەی دڵت شکابوو، بەڵام تۆ هێشتا دڵی کەسانی ترت نەشکاند. بۆ ئەو شەوانەی بە بێ ئەوەی کەس بزانێت گریاویت، بەیانی هەستاویت و بەردەوام بوویت. بۆ ئەو جارەی دەتتوانی وەڵامی خراپە بە خراپە بدەیتەوە، بەڵام هەڵتبژاردووە بێدەنگ بیت؛ نەک لەبەر لاوازی، بەڵکو لەبەر ئەوەی دڵت نەیویستووە ببیتە ئەو کەسەی خۆت لێی بێزاریت. شانازی بەو میهرەبانییە بچووکەتەوە بکە کە هیچ کەس تێبینی نەکردووە؛ بۆ ئەو نامەیەی ناردووتە بۆ کەسێک تەنها بۆ ئەوەی بزانیت باشە یان نا. بۆ ئەوەی گوێت لە کەسێک گرتووە، کاتێک خۆت پڕ بوویت لە قسەی نەگوتراو. بۆ ئەوەی کەسێکت بەخشی، بەبێ ئەوەی داوای لێبووردن بکات. بۆ ئەوەی ڕێگەت دا کەسێک بڕوات، هەرچەندە دڵت دەیویست بمێنێتەوە… بۆ ئەوەی هێشتا دەتوانیت کەسێک خۆشحاڵ بکەیت بە وشەیەکی سادە. هێشتا دەتوانیت دڵی کەسێک گەرم بکەیتەوە بە پێکەنینێک. هێشتا کاتێک کەسێک دەشکێت، هێرشی قسەی مرۆڤەکانی دێتە سەر ، تۆ دەتوانیت لە شوێنی ئەوەی حوکم بدەی ، تێیبگەیت…. لەوانەیە هیچ کەسێک ئەمانە نەبینێت. لەوانەیە هیچ کەسێک پێت نەڵێت: «تۆ مرۆڤێکی باشیت.» بەڵام تۆ خۆت دەزانیت. تۆ دەزانیت چەند جار لەگەڵ خۆت شەڕت کردووە بۆ ئەوەی کەسێکی تر ئازار نەبینێت. تۆ دەزانیت چەند جار دڵت ویستوویەتی واز بهێنیت، بەڵام هەروا بەردەوام بوویت. تۆ دەزانیت چەند جار بە دڵێکی قورسەوە، هەڵتبژاردووە مرۆڤێکی باش بمێنیتەوە… بۆیە چاوەڕێی دەستخۆشی لە هیچ کەس مەکە. خۆت، خۆت ببینە. خۆت، خۆت بناسە. و بۆ هەموو ئەو شتانەی بە نهێنی کردووتن و هیچ کەس نەیبینیوە… لە دڵی خۆتەوە بڵێ: «شانازیت پێوە دەکەم… چونکە لەگەڵ هەموو ئەو شتانەی بەسەرت هاتووە، هێشتا دڵت جوانە.» 🤍#rebinishirin #rebini_shirin - @rebini_shirin_is_me