@halidou.ismael71: Maali beero(SOMBO)parti 1️⃣ To Maali Beero, kaŋ a tun Malle, heemar waate no a dira; a go nda nga kayne taaci; a ne kayney se, nga ga ba ngey ma dira. Day kayney ma wi subu ga ka nde ngey ma kay daba. Kayney sobay ga wi subo ga ka nde, i sobay ga wi subo ga ka nde, nga mo, a ga zulu, a ga kay; kala a na daba turu. A ne kayney se « Alaamisi wo kan ga ka no, ay ga ba iri ma dira nango. Day, meemun kulu kan go iri se, iri si dira nda a iri banda; iri ga tun no; hay kulu no iri si jare iri bande kala yeeji follon kan Beenekoy wane no; yeeji bi ». I ga ba ga dira, i na yeejo din boy, i na dan daba ra. A ne to, kayne taaco din, ngey nda wandey, i ma furo daba ra. Kayney ma furo ga koy goro; i ma di yeejo cey ga gaayi nga se. I na cey di ga gaayi, waati din ga, a koy kokorbe fo do. Alaamisi hane mo no i dira. A koy kokorba do, a ka kokorbe sari fo, a na a hinse; a ka a go ga jandi, a ga daba kar, a ga a windi. Hala a ga koy ye ga ka nango kan a sintin din, daba tun. To! Kan a go no din, boro fo go no kan ga furo bariyo jine; Zarmey no ga ne zaji, Sonay borey mo ma ne sono. Bora din binde, daba koy beene-beene, a ne « Aa! Maali ni ga dira ga ay nan ne »? - A ne « Da ni ga koy, tun ka furo ». Maali Beero nda nga kayne taaco, nda ngey windi wayborey nda zankey, aro din tun ka furo i kone. Kan Maali Beero ga dira a ne kwaara borey se : « To, meemun kulu kan iri dira ka nan, nda hayni kulu kan iri far, aran ma sambu, ay na aran no nda . Iri wo, iri go no ga ne wo nan aran se ». Daba koy beene. A ne kayney se « Nan kan iri ga hin ka goro, yeejo no ga a ci iri se; a si nda me bo, amma nga no ga a ci. Da aran di daba koy ga zumbu, nga no aran di yeejo koy ga kuru a a ye ga ka ga kaaru daba boŋ, kulu iri ga bisa no din no; day nda aran di nan kan a kuru, a mana ye ga ka ga kaaru daba bon, kulu iri gora do no ya ». Daba tunu Malle, kala a koy Duskonjiyay; a zumbu Duskonjiyay; a te zaari hinka yeejo go ga kuru, i di yeejo ye ga ka ga kaaru daba bon. A ne « Aran di yeejo wo, kan a kaaru dabo bon nga bon se wo, wa anniya haw man ci ne wo no iri ga goro ». I kaaru daba bon, daba ye ka tun nda ey. A tun Duskonjiyay, daba koy zumbu Adarambuka; i zumbu Adarambuka. Yeejo dira ga kuru; a dira ga kuru, a dira ga kuru, a dira ka kuru. Yeejo binde, a ye ga ka ga kaaru daba bon. A ne kayne taaco se « Aran di yeejo wo, a ye ga ka ga kaaru koyne, wa tunu iri ma koy », kayne taaco nda bora kan ga te a se zaji din. Kayney ne « A boori ». I tun, kayne hinza no furo a banda. Kayne fa ture a ga no din Adarambuka, a ne nga wo, nga si koy. A ne « Haba? » A ne « Wallahi » A ne « To, goro ». Kayne hinza na a gana ga bisa no din nda bora kan ga te a se zaji din. Daba tun nda ey no din, Adarambuka, daba ka ka zumbu Sargan. A zumbu Sargan, i fatta. A ne to nga di kaŋ i zumbu Sargan wo, cimi no, a ne sono ngey ma goro nango ka di. Da ngey goro ne, hay kulu kan no, yeejo ga ye ga ngey ka baaru. Yeejo koy, a kuru; yeejo koy, a kuru; a te sanda jirbi hinza cine i di yeejo mana ka. I ne yeejo daray yeejo daray! A ne kayney se yeejo dini, a mana ka. Kayney ne: « Maali Beero! A ne: «Aa »! I ne « Ngo man ci muusu no na yeejo nwa »? A ne : «Hã! Kala da Irkoy te nga wano day:➡️#viraltiktokvideos