@om.mohameed610: : صينية بطاط بالسبانخ والجبن المقادير: * 4 حبات بطاط متوسطة * نصف كيلو سبانخ مغسولة ومنظفة ومقطعة * 2 بصلة مقطعة أنصاف شرائح * 2 جزرة مبشورة * كاسة زيت نباتي * ملعقة ونصف كبيرة طحين * حوالي كوب وربع حليب * ملح * فلفل أسود * بابريكا * جبن موزريلا للوجه للتحمير الطريقة: نقطع البطاط حلقات، ثم نقليها بالزيت قليًا خفيفًا من غير ما تستوي بالكامل لأنها راح تكمل استوائها بالفرن، وبعدها نرصها في صينية الفرن. نحط الزيت في قدر، ولما يسخن نضيف البصل ونقلبه لين يطرى. نضيف الجزر ونقلب، وبعد ما يلين نضيف السبانخ ونستمر بالتقليب لين تنزل مويتها وتجف تقريبًا. نضيف الملح والفلفل الأسود والبابريكا، ثم نضيف الطحين ونقلبه كم دقيقة. بعدها نضيف الحليب، ونحرك لين يصير خليط السبانخ كثيف وكريمي. نوزع خليط السبانخ فوق البطاط، ثم ندخل الصينية الفرن. وقبل ما تخلص نضيف الجبن المبشور على الوجه ونرجعها للفرن لين يذوب الجبن ويتحمّر#طبخات_سهله_لذيذه_وسربعه #وصفات_سهلة #وصفات_أم_محمد #اكسبلور_تيك_توك

وصفات ام محمد

Open In TikTok:

Region: KW

Tuesday 01 September 2026 02:18:41 GMT