@zayartbz7.1: ချောင်းဦးတွင် စစ်တပ်က ကျေးရွာများကို ဒရုန်း၊ လက်နက်ကြီးဖြင့် တိုက်ခိုက်မှု ပြည်သူ ၁ ဦးသေဆုံး၊ ပုလောတွင်လည် စစ်တပ်က ပြည်သူ ၂ ဦးသတ်ဖြတ်ပြီး နေအိမ်များကို မီးရှို့ဖျက်ဆီး ရန်ကုန်၊ ဩဂုတ် ၃၁ စစ်ကိုင်းတိုင်း၊ ချောင်းဦးမြို့နယ်တွင် အကြမ်းဖက် စစ်တပ်က ကျေးရွာများကို ဒရုန်း၊ လက်နက်ကြီးဖြင့် တိုက်ခိုက်ခြင်းကြောင့် ပြည်သူ ၁ ဦးသေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဩဂုတ်လ ၂၉ ရက်နေ့မှ စတင်ပြီး မုံရွာမြို့ရှိ နမခမှ ထွက်ခွာလာသော အကြမ်းဖက် စစ်တပ်စစ်ကြောင်းက ကျေးရွာများကို လက်နက်ကြီးများဖြင့် ပစ်ခတ်ပြီးနောက် ခင်မွန်ကျေးရွာမှ စတင်ကာ ချောင်းဦးမြို့နယ်အတွင်း စစ်ကြောင်းထိုးဝင်ရောက်ခဲ့ကြောင်း ဒေသပြည်သူများထံမှ သိရသည်။ ထို စစ်ကြောင်းသည် ဩဂုတ်လ ၃၀ ရက်နေ့နှင့် ယနေ့ ဩဂုတ်လ ၃၁ ရက်နေ့တို့တွင် ကျီကုန်းရွာ အပါအဝင် အနီးအနားရှိကျေးရွာများကို ဒရုန်း၊ လက်နက်ကြီးများဖြင့် ပစ်ခတ် တိုက်ခိုက်ခဲ့ကြောင်း၊ ထို တိုက်ခိုက်မှု အတွင်း ကျီကုန်းရွာမှ ပြည်သူ ၁ ဦး ဗုံးထိမှန်းပြီး သေဆုံးကာ ၈ ဦးမှာလည်း ထိခိုက်ဒဏ်ရာများ ရရှိခဲ့ကြောင်း သိရှိရသည်။ "ဒီနေ့ အချိန်ထိကို ကျီကုန်းအရှေ့ရွာအနောက်ရွာမှာ စစ်ခွေးတွေ ပစ်ခတ် တိုက်ခိုက်တဲ့ လက်နက်ကြီးနဲ့ ဒရုန်းထိမှန်ပြီးတော့ ပြည်သူ ၁ ဦးသေဆုံးတယ်။ ထိခိုက်ဒဏ်ရာရတာလည်း ၈ ဦးလောက်ရှိတယ်" ဟု ဒေသပြည်သူတစ်ဦးက ပြောဆိုသည်။ လတ်တလော ချောင်းဦးမြို့နယ်အတွင်းရှိ တော်လှန်ရေးအင်အားစုများကလည်း စစ်ရေးအခြေအနေများကြောင့် ခင်မွန်-ရွေဒါးကျ လမ်းပိုင်းကို ပြည်သူများ သွားလာခြင်းမပြန်လုပ်ရန် ယာယီ လမ်းပိုင်းထားကြောင်း သိရှိရသည်။ အလားတူ တနင်္သာရီတိုင်း၊ ပုလောမြို့နယ်ရှိ မဇောကျေးရွာအုပ်စုအတွင်းသို့ စစ်ကြောင်းထိုးဝင်ရောက်လာသည့် စစ်တပ်က အရပ်သားပြည်သူ ၂ ဦးအား သတ်ဖြတ်ခဲ့ပြီး ပြည်သူ့နေအိမ် ၉ လုံးကို မီးရှို့ဖျက်ဆီးခဲ့ကြောင်း KNU ဗဟိုက ထုတ်ပြန်ထားသည်။ ဩဂုတ်လ ၂၇ ရက်နေ့တွင် စစ်တပ်စစ်ကြောင်းသည် မဇောကျေးရွာအုပ်စုအတွင်းသို့ စစ်ကြောင်းထိုးဝင်ရောက်လာပြီး ငါးရပ်အင်းကျေးရွာတွင် နေထိုင်သည့် အရပ်သားအမျိုးသား ၂ ဦးအား သတ်ဖြတ်ခဲ့သည့်အပြင် တုံးဗျောကျေးရွာရှိ ပြည်သူ့နေအိမ် ၈ လုံးကို မီးရှို့ဖျက်ဆီးခဲ့သည်။ ထို့ပြင် ဩဂုတ်လ ၂၈ ရက်နေ့တွင်လည်း ရေခမ်းချောင်းကျေးရွာရှိ ပြည်သူ့နေအိမ် ၁ လုံးကို ထပ်မံမီးရှို့ဖျက်ဆီးခဲ့ကြောင်း သိရသည်။ လက်ရှိတွင် စစ်ကောင်စီတပ်သည် မဇောကျေးရွာအုပ်စုအတွင်းရှိ ငါးရပ်အင်းကျေးရွာ၊ တုံးဗျောကျေးရွာ၊ ရေခမ်းချောင်းကျေးရွာနှင့် ဒူးကျိုးကျေးရွာတို့ကို စစ်အုပ်ချုပ်ရေး (Martial Law) ကြေညာထားသည်။ စစ်ကောင်စီသည် အာဆီယံ ဘုံသဘောတူညီချက် ၅ ချက် (Five-Point Consensus) ကို လိုက်နာဆောင်ရွက်ခြင်း မရှိဘဲ နိုင်ငံတစ်ဝန်းရှိ အပြစ်မဲ့ အရပ်သားပြည်သူများအား လေကြောင်း၊ ဒရုန်းနှင့် လက်နက်ကြီးများဖြင့် ပစ်ခတ်တိုက်ခိုက်ခြင်း၊ ဖမ်းဆီးသတ်ဖြတ်ခြင်းနှင့် စစ်ရာဇဝတ်မှုများကို နေ့စဉ်နှင့်အမျှ ကျူးလွန်လျက်ရှိကြောင်း KNU က ပြောဆိုထားသည်။@ZayarTBZ 7 News @ZayarTBZ 11 News #ပြည်တွင်းသတင်း #ပြည်သူများဘေးကင်းကြပါစေ #zayartbz #စစ်တပ်ယုတ်မာမှုပေါင်းစုံငါတို့အသိဆုံး #မြန်မာသတင်းများ

ZayarTBZ 7.1News🍉

Open In TikTok:

Region: TH

Tuesday 01 September 2026 02:58:29 GMT