@dremanelrayesofficial: أثرٌ لا يموت 🤍 الحلقة الثانية : التحفيز بابا كان أكتر شخص عرف يحمّسني ويخليني أكمّل… كان دايمًا يشوف فيا حاجة أنا ساعات ما كنتش شايفاها في نفسي. كان يشجعني، يطمني، ويخليني أصدق إني أقدر. كلمة منه كانت ممكن تغيّر يوم كامل… ونظرة فخر من عينه كانت بتخليني عايزة أعمل أكتر وأكون أحسن. بابا علّمني إن التحفيز مش مجرد كلام بنقوله… التحفيز الحقيقي إنك تؤمن بحد، حتى في الوقت اللي هو نفسه مش مؤمن بقدراته. وأنا النهارده، كل ما أشجع شخص، كل ما أساعد حد يقوم تاني، كل ما أقول لحد “إنت تقدر”… بفتكر بابا. يمكن هو مش موجود جنبي دلوقتي، لكن صوته، وكلامه، وتشجيعه لسه عايش جوايا. وعشان كده قررت إن كل علم أقدمه، وكل كلمة أقولها لشخص محتاج يسمعها، وكل خير أقدر أعمله… يكون صدقة جارية عن بابا، لعل الله يكتب له أجرها. بابا… أنت ما كنتش بس بتشجعني. أنت كنت جزء من القوة اللي خلتني أبقى أنا. رحمك الله يا أبي، وجزاك عني خير الجزاء. 🤍 اللهم إن أبي كان سببًا في كثير من الخير الذي في حياتي، فاجعل كل خير أفعله امتدادًا لأثره، واكتب له أجره. اللهم ارحمه رحمةً واسعة، واغفر له، ونوّر قبره، وآنس وحشته، واجعل قبره روضةً من رياض الجنة. اللهم ارفع درجته في المهديين، واجمعه مع النبي ﷺ والصالحين، واجعلني ولدًا صالحًا يدعو له ولا ينقطع دعائي عنه. اللهم اجعل كل علم نافع أقدمه، وكل إنسان أساعده، وكل قلب أزرع فيه أملًا، صدقةً جاريةً تصل إلى أبي وهو في قبره. رحمك الله يا بابا… رحلت عن عيني، لكنك لم ترحل من قلبي، وسيظل أثرك في كل خير أفعله ما حييت.
