@toxic_girl_752: میری یاد تو آتی ہوگی… یاد نہ سہی، کوئی بات، کوئی لمحہ، کوئی عادت تو یاد آتی ہوگی۔ کبھی میری کہی ہوئی کوئی بات اچانک ذہن میں آتی ہوگی، کبھی کوئی گانا خاموشی سے میرے پاس لے آتا ہوگا، کبھی کسی جگہ سے گزرتے ہوئے وہ وقت یاد آتا ہوگا جب ہم ساتھ ہوا کرتے تھے۔ شاید اب تمہیں میری کمی محسوس نہ ہوتی ہو، شاید تم نے خود کو میرے بغیر جینا سکھا لیا ہو… مگر کبھی تو ایسا ہوتا ہوگا نا کہ سب کچھ ٹھیک ہوتے ہوئے بھی دل بے وجہ اداس ہو جاتا ہوگا۔ کبھی رات کی خاموشی میں میرا خیال آتا ہوگا اور تم چند لمحوں کے لیے اُن دنوں میں واپس چلے جاتے ہوگے، جنہیں ہم نے کبھی ہمیشہ کے لیے اپنا سمجھا تھا۔ میں نہیں جانتی کہ تم نے مجھے کتنا بھلا دیا ہے، مگر میں آج بھی یہ سوچ کر خاموش ہو جاتی ہوں کہ جس شخص کے بغیر ایک وقت میں ایک لمحہ بھی گزارنا مشکل تھا، وہ آج میری غیر موجودگی میں اتنا پرسکون کیسے ہے۔ شاید محبت ختم ہو جاتی ہے، لوگ بدل جاتے ہیں، راستے جدا ہو جاتے ہیں… مگر کچھ یادیں دل سے کبھی نہیں جاتیں۔ بس کبھی اگر میری یاد آئے تو اسے بھولنے کی کوشش مت کرنا… کیونکہ میں نے بھی تمہیں بھلانے کی بہت کوشش کی تھی، مگر تم سے جڑی ہوئی ہر چیز نے مجھے پھر وہیں لا کھڑا کیا۔ میری یاد تو آتی ہوگی… یاد نہ سہی، کوئی بات، کوئی لمحہ، کوئی عادت تو یاد آتی ہوگی۔ 🥀