@qolaz01: Rusiyanın Birinci Liqasında çıxış edən “Spartak”ın (Kostroma) iranlı futbolçusu Nader Məhəmmədi qeyri-adi hərəkəti ilə diqqət çəkib. QOL.az xəbər verir ki, o, 9-cu turda “Rotor”la matçda topu autdan oyuna daxil etməzdən əvvəl əllərində topla önə salto vurub. Məhəmmədinin bu üsulla meydançaya göndərdiyi topu 79-cu dəqiqədə Nikolay Tarasov qola çevirib. Bu qol “Spartak”a 1:0 hesablı qələbə qazandırıb. Maraqlıdır ki, Nader Məhəmmədi cari mövsümdə artıq ikinci dəfə eyni üsulla məhsuldar ötürmə müəllifi olub. O, avqustun 9-da “SKA-Xabarovsk”la səfər matçında da salto vuraraq topu autdan oyuna daxil etmiş və həmin epizod Sergey Buqriyevin qolu ilə nəticələnmişdi. “Spartak” həmin görüşdə 3:1 hesabı ilə qalib gəlmişdi.