@chawamata_tv: VIDEO: Mkurugenzi Mkuu wa Shirika la Uwakala wa Meli Tanzania (TASAC), Bw. Mohamed Salum, amesema matumizi ya reli pekee hayawezi kwa sasa kumaliza changamoto ya usafirishaji wa makontena kutoka Bandari ya Dar es Salaam kutokana na uwezo mdogo wa reli kubeba mizigo. Akizungumza kuhusu mpango wa kutumia reli kusafirisha makontena kwenda Kwala, Salum amesema treni moja kwa sasa ina uwezo wa kubeba takribani makontena 27 kwa safari moja, hali ambayo haiwezi kukidhi mahitaji makubwa ya bandari yenye kiwango kikubwa cha mizigo. Amesema hata kama treni ingeweza kufanya safari nyingi kwa siku, bado kungekuwa na pengo kubwa kati ya uwezo wa reli na kiwango cha makontena yanayoingia na kutoka bandarini, hivyo matumizi ya malori hayawezi kuondolewa kwa sasa. “Kwa uzoefu wangu, sijawahi kutembea bandari duniani ambayo haina malori. Kama kuna mtu ataje bandari moja inayofanya huduma za makontena bila malori,” amesema Salum. Amesema malori ni sehemu muhimu ya mfumo wa usafirishaji wa mizigo kwa sababu yanarahisisha uhamishaji wa makontena kutoka eneo moja kwenda jingine, hususan pale ambapo uwezo wa reli bado haujakidhi mahitaji. Salum amesema wakati Serikali ikiendelea kuboresha reli ya SGR, bado kuna umuhimu wa kutumia njia zote mbili za usafirishaji, yaani reli na barabara, ili kuhakikisha shughuli za bandari zinaendelea bila kusababisha msongamano wa mizigo. Ameeleza kuwa bandari inapopokea makontena kutoka kwenye meli, wakati huohuo kuna makontena ya kusafirisha nje ya nchi yanayopaswa kuingizwa bandarini, pamoja na makontena matupu yanayohitaji kuingia na kutoka. “Shughuli ya bandari siku zote inategemea logistics kubwa ya reli na barabara,” amesema Salum. #ChawamataTV #10KFollowers #Asanteni #DarEsSalaam #Tanzania #Bongo #Habari #HabariLeo #BreakingNewsTZ #TanzaniaNews #bongoupdates#mediatanzania #tanzaniatrendingvideos #tanzaniatrending #tanzaniatrendingstory #TanzaniaTre #madeintanzania🇹🇿 #madeintanzan #madeintanzania #SupportLocal #madeintanzaniat #roadto100followersontwitch #madeintanzaniawith #viraltz

CHAWAMATA TV

Open In TikTok:

Region: TZ

Tuesday 01 September 2026 09:43:12 GMT