ပိုက်ဆံ ရှာဖို့ မပျင်းပါနဲ့.... အသက်ကြီးမှ ပိုသိလာတာက ကိုယ့်ရှိမှ ကိုယ့်ပိုက်ဆံ ဆိုတာပါပဲ။ အရင်တုန်းကတော့ ဒီလောက်ထိ အလေးအနက် မသိခဲ့ဘူး။ ကိုယ်နဲ့နီးစပ်တဲ့ ဘယ်သူ့ဆီမှာပဲရှိရှိ သူတို့ရှိတာ သူတို့ပိုက်ဆံပဲလေ။ ဒါက သိပ်ကို သဘာဝကျတဲ့ အချက်ပေါ့။ ညီအစ်ကိုမောင်နှမတွေ ဘယ်လောက် ဝင်ငွေကောင်းကောင်း သူတို့ဆီမှာရှိတာ သူတို့ပိုက်ဆံပဲ။ ကိုယ်လိုအပ်လို့ ယူလည်း တစ်ခါနှစ်ခါတော့ အဆင်ပြေတာပေါ့။ နောက်ပိုင်းဆို သူတို့အမြင်တွေ ပြောင်းလာမှာပဲ မဟုတ်လား။ မိဘမှာရှိတာ အားမနာရဘူးဆိုပေမယ့် ဒီအသက် ဒီအရွယ်ထိ မိဘဆီက ယူနေရတုန်းဆိုတာ သူတို့ကဘာမှမဖြစ်ပေမယ့် ကိုယ့်စိတ်က အဆင်ပြေနေမှာမဟုတ်သလို မိဘတွေကို ငဲ့ညှာစိတ် ထားရပါမယ်။ နောက်ပြီး အများအမြင်လည်း အဆင်ပြေမှာ မဟုတ်ဘူး။ သူငယ်ချင်း အပေါင်းအသင်းတွေ ရှိတာက ရှိတာပဲ။ လိုတဲ့ အချိန်ယူဖို့ အဆင်မပြေနိုင်ဘူးလေ။ ပိုက်ဆံနဲ့ပတ်သက်လို့ ကူညီဖို့လိုအပ်လာရင် သူငယ်ချင်း အပေါင်းအသင်းတွေလည်း ရှောင်ကြတာ အများစုပါ။ ကိုယ့်ဘက်ကသာ ကူညီနိုင်ရင် ကူညီလိုက်ပါ။ ဒါဆို အိမ်ထောင်ဖက်ဆီကရော အတူတူ သုံးကြမယ်ဆိုတာ နားထောင်လို့ ကောင်းပေမယ့် မရှာနိုင်တဲ့လူက ရှာနိုင်တဲ့လူကို ဦးစားပေးရမယ် သည်းခံရမယ်။ ငွေမရှာနိုင်ရင် ကျန်တဲ့အပိုင်းကို ကူညီထောက်ပံ့ ပေးနိုင်ရမယ်။ ဒါတွေဟာ မဖြစ်မနေ သိနေရမယ့် အခြေအနေတွေပေါ့။ ဒါ့ကြောင့် ကိုယ့်ရှိမှ ကိုယ့်ပိုက်ဆံဆိုတာ အမှန်ပဲ။ ကိုယ့်ပိုက်ဆံ ကိုယ်သုံးရတဲ့ လွတ်လပ်မှုမျိုးက ဘယ်အရာနဲ့မှ နှိုင်းယှဉ်လို့ မရဘူး။ နောက်ပြီး အနှောင်အဖွဲ့လည်း ကင်းတာပေါ့။ ဘယ်သူ့ အထောက်အပံ့မှ မပါဘဲ ဘယ်အခြေအနေမျိုးမှာမဆို ကိုယ့်ဟာကိုယ် ရပ်တည်နိုင်တာ လူတစ်ယောက်ရဲ့ ပကတိ တန်ဖိုးပါပဲ။ ဒါကြောင့် ငွေရှာပါ ၊ ငွေစုပါ။ ဘဝမှာ ဘယ်သူ့ကိုမှ မမှီခိုဘဲ ၊ အားမကိုးဘဲ ကိုယ့်ခြေထောက်ပေါ် ကိုယ်ရပ်ရင်း တန်ဖိုးရှိစွာ ရပ်တည်လိုက်ပါ။ #ဆရာအောင်သင်း #crd #ဘဝစာပေ #ခွန်အားရှိသောစာတ်ိုများ💪💪💪 #foryoupageシforyou - @aungmyonaing111111