@mideli_rwanda: 🚨 𝐔𝐏𝐃𝐀𝐓𝐄𝐒! Abana bagize itsinda rya ’Moriox CBC’ bo mu Rwanda berekeje muri Kyrgyzstan aho bagiye gutaramira mu irushanwa Mpuzamahanga rya ’World Nomad Games 2026’, riri kuba guhera kumunsi wejo hashize ku wa 1 kugeza ku wa 6 Nzeri 2026.🇷🇼🇰🇬🫂 Ubutumire bw’aba bana bwatanzwe na Minisiteri y’Umuco, Itangazamakuru na Politiki y’Urubyiruko ya Kyrgyzstan, bukavuga ko aba bana bari mu matsinda yatoranyijwe kugira ngo yifatanye n’ibihugu bitandukanye mu bikorwa bigamije guteza imbere no gusigasira umurage ndangamuco w’ibihugu. ‘World Nomad Games’ ni umwe mu mihango ikomeye ihuza ibihugu byo hirya no hino ku Isi hagamijwe kwimakaza umuco, guteza imbere ubusabane no gusangizanya amateka n’indangagaciro by’imiryango n’ibihugu bifite umuco gakondo ukomeye. Minisiteri y’Umuco ya Kyrgyzstan yagaragaje ko kwitabira kw’iri tsinda bizatanga umusanzu ukomeye mu kugaragaza umuco w’u Rwanda mu ruhando mpuzamahanga. Muri iyi baruwa Minisiteri y’Umuco ya Kyrgyzstan yemeje ko izishingira ikiguzi cyose cy’urugendo iri tsinda rizakorera muri Kyrgyzstan mu gihe cyose iri tsinda rizaba ryitabiriye ‘World Nomad Games 2026’. Aba bana ba Moriox Kids bitabiriye ‘World Nomad Games 2026’ bikurikiye urugendo baherutse gukorera muri Arménie mu mwaka ushize wa 2025. ©MideliRwanda

MIDELI W’ABANYARWANDA🇷🇼

Open In TikTok:

Region: RW

Tuesday 01 September 2026 11:52:20 GMT