@notyourkami0: یقین نہیں آتا کہ اتنا وقت گزر گیا، کبھی جس کی آواز میرے دن کا آغاز ہوا کرتی تھی، آج اُسی کی آواز یاد کرنے کے لیے بھی دل کو کئی موسموں کا سفر کرنا پڑتا ہے۔ دیکھے ہوئے تو خیر اُسے مدتیں ہو گئیں، اُس کو سُنے ہوئے بھی ایک زمانہ گزر گیا، مگر عجیب بات ہے کہ دل کے کسی کونے میں وہ آج بھی بالکل ویسا ہی موجود ہے، جیسے کل ہی تو ہنس کر مجھ سے جدا ہوا ہو۔ وقت نے بہت کچھ بدل دیا، گلیاں بدل گئیں، راستے بدل گئے، لوگوں کے چہرے بدل گئے، بات کرنے کے انداز بدل گئے، مگر اُس کی یاد کا موسم اب تک وہیں ٹھہرا ہوا ہے۔ کبھی کبھی خاموش راتوں میں یوں لگتا ہے جیسے فون کی دوسری طرف وہ پھر سے میرا نام پکارے گا، میں بے اختیار مسکرا دوں گا، اور سارے فاصلے ایک لمحے میں مٹ جائیں گے۔ مگر پھر حقیقت اپنی سرد انگلیوں سے خواب کی پیشانی چھو کر جگا دیتی ہے۔ اب نہ ملاقات کی کوئی امید ہے، نہ آواز سننے کا کوئی بہانہ، بس کچھ پرانی یادیں ہیں جنہیں دل نے بڑے احتیاط سے سنبھال رکھا ہے۔ کتنا عجیب رشتہ تھا ہمارا، وہ شخص دور ہوا تو زندگی سے صرف ایک انسان نہیں گیا، ایک عادت گئی، ایک آواز گئی، ایک انتظار گیا، اور میرے اندر جینے کا ایک خوبصورت سا انداز بھی چلا گیا۔ کبھی سوچتا ہوں، اگر اچانک کہیں سامنے آ جائے تو کیا میں اُسے پہچان پاؤں گا؟ شاید چہرہ بدل چکا ہو، مگر دل فوراً پہچان لے گا، کیونکہ کچھ لوگ آنکھوں سے نہیں، روح سے پہچانے جاتے ہیں۔ وہ شاید مجھے بھول بھی چکا ہو، مگر میں آج بھی اُس کی آواز کے سائے میں ہوں۔ دیکھے ہوئے تو خیر اُسے مدتیں ہو گئیں، اُس کو سُنے ہوئے بھی ایک زمانہ گزر گیا، مگر سچ یہ ہے وہ مجھ سے دور ہو کر بھی میرے اندر سے کبھی دور نہیں گیا۔ #fyp

𝔻𝕖𝕔𝕖𝕞𝕓𝕖𝕣 🍂

Open In TikTok:

Region: PK

Tuesday 01 September 2026 12:21:35 GMT