@asadi_writes0: کچھ چہرے اتنی جلدی مٹی کی چادر اوڑھ لیتے ہیں کہ دل کو کبھی یقین ہی نہیں آتا کہ وہ اب صرف یادوں میں ملیں گے۔ کتبے پر لکھا متن: مجھ سے بچھڑ کر تم یاد بن گئے وہ روز شام کو گھر لوٹتے ہوئے ایک ہی آواز سنتا تھا، "پُتر آ گیا ایں؟" یہ جملہ اس کے لیے صرف چند الفاظ نہیں بلکہ دن بھر کی تھکن اتار دینے والی دوا تھا۔ ایک دن معمول کے مطابق وہ کام سے تھوڑا لیٹ ہو گیا، جلدی میں دروازہ کھولا مگر گھر میں ایک عجیب سا سناٹا تھا۔ ہمیشہ دہلیز پر انتظار کرنے والا وجود آج سفید چادر میں لپٹا خاموش پڑا تھا۔ وہ بار بار آوازیں دیتا رہا، جھنجھوڑتا رہا، مگر وہ آنکھیں بند تھیں جو اس کی ذرا سی دیر پر تڑپ اٹھتی تھیں۔ جنازہ اٹھا، مٹی ڈالی گئی اور وہ واپس اسی کمرے میں آ گیا۔ آج بھی جب وہ شام کو گھر کا دروازہ کھولتا ہے تو دل کچھ سیکنڈز کے لیے وہی مانوس آواز سننے کا انتظار کرتا ہے، لیکن پھر سامنے ویران دیواریں یاد دلا دیتی ہیں کہ جن سے پوری دنیا روشن تھی، وہ اب مٹی تلے جا سوئے ہیں۔ انسان زندہ تو رہ جاتا ہے، مگر ہر شام دہلیز پر اس کا ایک حصہ روز دم توڑتا ہے۔

Asadi

Open In TikTok:

Region: PK

Tuesday 01 September 2026 13:47:59 GMT