@hajjiabdalle1: Dunidu waa caynba cayn, dadkuna waa lamid. Qof walba meel ayuu wax ka dareemaa, wax uu sharaf u arko iyo wax uu bahdil u arko ayay dad kale si kale u dareemaan. Qof baa raaxo ku dareema raalli-gelinta iyo inuu ka garaabo gefafka ka dhacay; qof kalena qirashada khaladku waxay ula muuqataa yaraan iyo hoosayn. Inuu khaladkiisa qaato inuu kuwa kale sii gaystaa uga fudud. Qof baa rajo iyo farxad guu­eed ku dareema inuu dadka weyneeyo; qof kalena wuxuu ku xasilloon yahay marka uu qof xaqiiro. Inuu dareemo in isaga laga hooseeyo baa bar bar u rida. Qof baa jecel inuu wax cafiyo, qof kalena wuxuu ku qanacsan yahay inuu ciil haysto oo ciil qabe ahaado. Qof baa talooyinka lasiiyo u arka fursad uu ku saxo naftiisa; qof kalena talo kasta wuxuu u arkaa weerar lagu soo qaaday isaga. Qof baa guusha dadka kale ugu farxa sida tiisa oo kale; qof kalena guusha qof kale waxay ula muuqataa khasaaro isaga gaadhay. Qof baa khaladaadkiisa si dhab ah u xisaabsada una tirsan yahiin gefafkiisu, naftiisana su'aalo adag weydiiya; qof kalena wuxuu isku arkaa inuu san waligiis gefin, khalad kasta oo dhacayna qof kale ayuu dusha ka saaraa. Waligaa arki maysid isaga oo leh: “anaa halkaas ku qaldanaa.” Waa isla qumane. Qof baa mar kasta jecel in loo arko inuu yahay dulmanaha, xitaa marka waxa uu gaystay uu ka badan yahay waxa loo gaystay. Qof kalena waxa loo gaystay waxa kala weyn waxa uu isagu gaystay.Dhaa­waciisa waxaa kala ka xoog badan gefkiisa. Qof baa qaladaadkiisa ka raadiya cashar; qof kalena wuxuu ka raadiyaa cudurdaar. Qof baa dadka u arka inay mudan yihiin faham; qof kalena wuxuu dadka u arkaa inay mudan yihiin xukun. Qof baa qalbigiisa ka shaqeeya si uu u noqdo qof wanaagsanaan; qof kalena wuxuu waqtigiisa ku lumayaa inuu caddeeyo inaysan qof xun ahayn. Qof baa marka uu waxyeelleeyo qof kale ka murugooda dhaawaca uu geystay; qof kalena wuxuu ka murugoodaa oo keliya marka laga ogaado. Qof baa awood u arka inuu qof daciif ah ilaaliyo; qof kalena awoodda wuxuu u arkaa fursad uu qofka daciifka ah ku dulmiyo. Qofbaa naftiisa u wanaagsana­an wax kastoo wanaagsan uu sameeyana si dabiiciya u sameeya; qofkalaa uwanaagsan kaliya halagaa sheego oo wanaagu dhuunta ka daaq dagsanayn.

Hajji Abdalle

Open In TikTok:

Region: SO

Tuesday 01 September 2026 14:00:40 GMT