ആർത്തവം ഉള്ള സ്ത്രീകളെ ക്ഷേത്ര ശ്രീ കോവിലുകളിൽ കയറ്റുമോ..... സ്ത്രീകൾക്ക് അതിനുള്ള അവകാശം ഇല്ലേ....? യുവതികളായ സ്ത്രീകളെ ശബരിമലയിൽ പ്രവേശിപ്പിക്കുമോ.... അവർക്ക് അതിനുള്ള അവകാശം ഇല്ലേ... വിദ്യാസമ്പന്നരായ ശ്ലോകങ്ങൾ പഠിച്ചിട്ടുള്ള സംസ്കൃതങ്ങൾ അറിയാവുന്ന സ്ത്രീകളെ ക്ഷേത്രങ്ങളിൽ പൂജാരിമാരാക്കുമോ...... അവർക്ക് അതിനുള്ള അവകാശങ്ങൾ ഇല്ലേ... കന്യാസ്ത്രീകൾക്കുള്ള നിയന്ത്രണങ്ങളും നിബന്ധനകളും നീക്കുമോ.... അവർക്ക് സ്വാതന്ത്ര്യം അനുഭവിക്കാനുള്ള അവകാശം ഇല്ലേ.... കന്യാസ്ത്രീകൾ ശിരോവസ്ത്രം ധരിക്കണം എന്നുള്ള നിബന്ധന എന്തിനാണ് അത് ഒഴിവാക്കിക്കൂടെ..... അവർക്ക് ചുരിദാറിട്ട് നടക്കാൻ അവകാശമില്ല അല്ലെങ്കിൽ ജീൻസും ടീഷർട്ടും ധരിക്കാൻ പാടില്ലേ..... ക്രൈസ്തവ മിഷനറിമാരുടെ പുരോഹിത ചുമതലകൾ എന്തുകൊണ്ട് സ്ത്രീകളെ ഏൽപ്പിക്കുന്നില്ല..... അവർക്ക് അതിനുള്ള അവകാശം ഇല്ലേ.... ഇതെല്ലാം മത നിയമങ്ങൾ അനുസരിച്ചുള്ളതാണ് ആ മത നിയമങ്ങളെ പൂർണ്ണമായും ബഹുമാനിക്കുകയും അംഗീകരിക്കുകയും ചെയ്യുന്ന മറ്റൊരു മതവിശ്വാസിയാണ് ഞാൻ. ആ മത നിയമങ്ങൾ ഒന്നും ഒഴിവാക്കപ്പെടാനോ മാറ്റം വരുത്താനോ പാടുള്ളതല്ല എന്ന് ഉറച്ചു ഞാൻ വിശ്വസിക്കുന്നു. മതവിശ്വാസങ്ങൾ ആ വിശ്വാസ സമൂഹത്തിനുള്ളതാണ്. അത് പാലിക്കുക എന്നുള്ളത് അവരുടെ കടമയാണ്. ഏതെങ്കിലും ഒരാൾക്ക് അത് അവഗണിച്ചു പോകുന്നതിന് ഒരു തടസ്സവുമില്ല. മതം നൽകുന്ന വാഗ്ദാനങ്ങളും മതം നൽകുന്ന പ്രതീക്ഷകളും അവർക്ക് വേണ്ടെന്ന് വയ്ക്കാൻ അവരവർക്ക് അവകാശമുണ്ട്. അത് വേണമെന്ന് ആഗ്രഹിക്കുന്നവർക്ക് ആ വഴിക്ക് പോയി കൂടാൻ പാടില്ല എന്നു പറയുന്നതിലാണ് ഇവിടെ തർക്കം. സ്ത്രീകൾക്ക് ഇസ്‌ലാം കുറെ സേവനങ്ങൾ ഉറപ്പാക്കുന്നുണ്ട്. അവളുടെ പൂർണമായ സംരക്ഷണം അവർക്ക് വേണ്ട പൂർണ്ണമായ കരുതൽ അവർക്ക് വേണ്ട എല്ലാ സൗകര്യങ്ങൾ ഒരുക്കി കൊടുക്കൽ അവർക്ക് പൂർണമായ എല്ലാ പിന്തുണയും നൽകൽ തുടങ്ങിയ സേവനങ്ങൾ ഒരു സ്ത്രീക്ക് ഉറപ്പു നൽകിയാൽ ഇസ്ലാം പറയുന്ന എല്ലാ കാര്യങ്ങളും ഒരു സ്ത്രീക്ക് ലഭിക്കപ്പെട്ടാൽ അവൾക്ക് പിന്നെ മറ്റൊരു വരുമാനത്തിന്റെയോ തൊഴിലിന്റെയോ ആവശ്യം വരേണ്ടി വരില്ല എന്നുള്ളതാണ്. എന്നാൽ ഏതെങ്കിലും സാഹചര്യത്തിൽ അത്തരം തൊഴിലിലോ അത്തരം കാര്യങ്ങളിലോ ഒരു സ്ത്രീക്ക് പോകേണ്ടി വന്നാൽ അതിന് നിബന്ധനകളോടെയുള്ള അനുമതിയും ഉണ്ട്. അത് ലംഘിച്ച് മറ്റൊരു നിലയിൽ പോകുമ്പോഴാണ് പൊതു ഇടങ്ങളിൽ പ്രദർശന വസ്തുക്കളെ പോലെ മാറിത്തീരുന്നത്. ചുരുക്കി പറഞ്ഞാൽ സൗന്ദര്യങ്ങൾ കൂടുതൽ മനോഹര പ്രഥമാക്കി ഒരുങ്ങി പോകുന്നതിന്റെ പിന്നിൽ പ്രദർശന ലക്ഷ്യത്തിലേക്കാണ് എന്ന് പറഞ്ഞാൽ തള്ളിക്കളയാൻ ആകില്ല. സ്ത്രീകൾക്ക് ഏറ്റവും ഉന്നതവും ഏറ്റവും നല്ലതുമായ വിദ്യാഭ്യാസം നൽകണം തലമുറകളെ വാർത്തെടുക്കുന്നതിന് പ്രധാന കർത്തവ്യ നിർവഹണം നടത്തുന്നത് സ്ത്രീ ജനങ്ങളാണ്. അതുകൊണ്ടുതന്നെ ഒരു സ്ത്രീ വിദ്യാഭ്യാസം ഉള്ളവളായാൽ അവൾ സാംസ്കാരിക സമ്പന്നതയുള്ളവരായാൽ അവളുടെ തലമുറ മനോഹരം ഉള്ളതാകും. അങ്ങനെയുള്ള തലമുറകൾ മനോഹരമുള്ളതാകുമ്പോൾ സാംസ്കാരിക സമ്പന്നതയുള്ള ഒരു സമൂഹത്തെ വാർത്തെടുക്കുവാനും അതിലൂടെ സുന്ദരമായ ഒരു രാഷ്ട്ര നിർമ്മാണം നടത്താനും കഴിയും എന്നുള്ളതാണ് ഇസ്ലാം സങ്കല്പം. അതുകൊണ്ടുതന്നെ ഏറ്റവും പ്രധാനം ഇസ്ലാമിലെ സ്ത്രീകൾക്ക് തന്നെയാണ് . സ്ത്രീകളിൽ നിന്നാണ് സാംസ്കാരികതയുടെയും നാഗരികതയുടെയും ഉത്ഭവം. അതുകൊണ്ടുതന്നെ സ്ത്രീ ഏറ്റവും വലിയ വ്യക്തി സമ്പന്ന ആയിരിക്കണം. ഇസ്ലാം കൃത്യമായി ഇതെല്ലാം പഠിപ്പിക്കുകയും പ്രതിപാദിക്കുകയും ചെയ്യുന്ന ഒരു മതം കൂടിയാണ്. അതിനൊക്കെ കൃത്യമായ മാനദണ്ഡങ്ങളും നിബന്ധനകളും ഉണ്ട്. വ്യക്തി നിയമങ്ങൾ കൃത്യമായുള്ള ഒരു മതമാണ് ഇസ്ലാം. എങ്ങനെ ഉണരണം എങ്ങനെ ഉറങ്ങണം എങ്ങനെ പ്രാഥമിക കർത്തവ്യങ്ങൾ നിർവഹിക്കണം എങ്ങനെ ഭക്ഷിക്കണം എങ്ങനെ നടക്കണം എങ്ങനെ ഇരിക്കണം എങ്ങനെ വസ്ത്രമണിയണം പൊതു ഇടങ്ങളിൽ എങ്ങനെ ഇടപെടണം എങ്ങനെ ഉത്തരവാദിത്തങ്ങൾ നിർവ്വേറ്റണം എങ്ങനെ കർത്തവങ്ങൾ നിർവ്വഹിക്കണം ഇതെല്ലാം ഇസ്ലാം കൃത്യമായി കൽപ്പിക്കുന്നുണ്ട്. . ഇതെല്ലം പറയേണ്ടവർ പറയും. അതിനുള്ള സ്വാതന്ത്ര്യം ഇന്ത്യ രാജ്യത്ത് ഉണ്ട്. അത് പറയേണ്ട എന്ന് പറയാനുള്ള സ്വാതന്ത്ര്യം ആർക്കുമില്ല. പറയുന്നതെല്ലാം ഒരാളിൽ അടിച്ചേൽപ്പിക്കാനും അവകാശം ആർക്കുമില്ല. ഉൾക്കൊള്ളാൻ താല്പര്യമുള്ളവർ മാത്രം ഉൾക്കൊള്ളുകയും പിന്തുടരുകയും ചെയ്താൽ മതി. ആരാലും ആരെയും ഒന്നും അടിച്ചേൽപ്പിക്കുന്നില്ല. - @user84081333