Fluffy… خفيفة متل الغيمة ☁️🤍 كعكة جبنة مخبوزة بتذوب بالفم، عالية، كريمية ومن جوّا ولا أطرى 😮‍💨🍰 والسر؟ بالطريقة مش بس بالمقادير 😉 احفظي الوصفة وجربيها… وبتفهمي ليش هاي من كعكاتي المفضلة 🤍🥰المكونات: • 7 بيضات كبار • 750 غ جبنة 9% • 2 علبة شمينت خمصة (أنا بستعمل שמנת של פעם، وممكن أي نوع) • 3 ملاعق كبيرة جبنة نابليون • 1½ كوب سكر • 1 باكيت سكر فانيليا • 1 ملعقة فانيليا • برش حامضة • 1 ملعقة صغيرة خل • 1 باكيت بودينغ فانيليا (حوالي 80 غ) • 4 ملاعق كبيرة نشا الطريقة: 1️⃣ أول إشي منصفي الأجبان أقل إشي ساعتين بالبراد. 2️⃣ بعدها منفصل البيض. 3️⃣ منبدأ بخفق بياض البيض مع ملعقة صغيرة خل، ومنضيف كاس السكر بالتدريج، لحد ما يصير عنا ميرينغ ثابت. 4️⃣ بوعاء ثاني، منخفق صفار البيض، ومنضيف سكر الفانيليا + نص كاس السكر + برش الحامضة ومنخلط منيح. 5️⃣ منضيف الأجبان ومنخلط، وبعدها منضيف بودينغ الفانيليا والنشا ومنحرك منيح لحد ما تختفي كل التكتلات. 6️⃣ منضيف بياض البيض على خليط الجبنة على 3 مراحل، وكل مرة منقلب من فوق لتحت بهدوء، عشان نحافظ على الهوا وما يهبط الخليط. 7️⃣ مندهن القالب منيح بالزبدة ومنرش عليه سكر. 8️⃣ بالفرن منحط صينية فيها مي مغلية، والكعكة بتكون على الرف قبل الأخير. 9️⃣ الفرن لازم يكون محمّى مسبقًا على 200°، حرارة فوق وتحت، لمدة ربع ساعة. 🔟 بعدها منفتح باب الفرن ومنطلع البخار، ومنقلل الحرارة لـ 150° لمدة ساعة وربع. 🔸 كل 20 دقيقة منفتح باب الفرن ومنطلع البخار. 1️⃣1️⃣ بعد ما تستوي الكعكة، منتركها بالفرن ساعة ونص. 1️⃣2️⃣ منطلعها ومنتركها تبرد شوي، وبعدها منحطها بالبراد ليلة كاملة. 🤍 والنتيجة: كعكة جبنة مخبوزة عالية، كريمية 🥰وبتذوب #تشيزك#تشيزكيك_#كعكة_الجبنةت#وصفات_حلوياتات #fyp - @la_sabreena