@chefnonashaqweer: مكرونة نجرسكو بالفراخ والمشروم والجبن 🤩💕 المقادير:- مكرونة فيتوتشيني مسلوقة للفراخ:- صدور فراخ مكعبات صغيرة مشروم زيت ملح - فلفل - بهارات دجاج - بودرة ثوم - جوزه الطيب - مكعب مرقة- ثوم مفروم . البشاميل:- كيلو حليب ٥ معالق كبار دقيق زيت وزبده ( ٧ معالق كبار ) مكعب مرقة ملح - فلفل - بهارات - جوزه الطيب . جبنه موتزاريلا للوجهه:- جبنه موتزاريلا الطريقة:- للفراخ في طاسة علي النار هنضع زيت وننزل بالثوم المفروم ومكعبات الدجاج الصغيرة ونشوحها علي النار مع بعض ثم نضع الملح والفلفل وكل التوابل ومكعب المرقه ونقلبهم مع بعض لحد ما الفراخ تدخل في السوا ننزل بالمشروم الشرائح ونقلبه مع الفراخ دقيقتين علي النار ثم نقفل عليهم ونتركهم . للبشاميل:- في حله علي النار هنضع الزيت والسمنه وننزل بالدقيق ومكعب المرقه نشوحهم مع بعض كويس جداً حتي لون الدقيق يتغير ثم ننزل بالحليب تدريجيًا مع التقليب المستمر عشان ميكلكعش حتي اخر الكمية ثم نضع عليه الملح والفلفل والبهارات وجوزه الطيب ونقلب حتي يصبح قوامه كريمي ومش تقيل نهائي واول ما يغلي نضع نصف كوب من الجبنه الموتزاريلا ونقلب كويس ونقفل عليه النار وننزل عليه بخليط الفراخ كله و كمان المكرونه في الحله ونقلبهم مع بعض حتي تتجانس كل المكونات ، نقسم المكرونه علي طواجن او اطباق فويل صغيره حسب ما نحب ونرش عليها جبنه موتزاريلا ورومي مبشورة وندخلها فرن سخن علي درجه حراره ٢٠٠ ونفتح الشواية حتي تاخذ الجبنه لون ذهبي فاتح وتسيح ونطلعها نقدمها ساخنة .
