@zohaibawan.2004: کہیں ویلے ایویں مِل میکوں کہیں ویلے ایویں مِل میکوں چُپ چُپ اِچ گالھیں ٹُر پووِن ساڈے پیریں سُو سُو سُر پووِن کہیں بے دی گالھ کرُوں جیکر جِبھ سڑ پووے لَب بھُر پووِن میڈے ہاں اِچ بلدی بھا کڈھ گھِن میکوں ہتھ لا کے میڈے ساہ کڈھ گھِن کہیں ویلے ایویں مل میکوں کہیں ویلے ایویں مل میکوں جیویں جنگل دے وِچ راہ مِلدن جیویں کہیں دے ساہ نال ساہ مِلدن جیویں چھُوریں کوں شُرفا مِلدن جیویں ادھ اِچ جَنگّاں چھوڑ کرائیں جنگجُو ذالیں کو آ مِلدن جیویں اَنڑ کُھٹ تار سمندریں کوں پہلی واری دریا مِلدن جیویں پَکھی واس کوں گھر مِلدے جیویں ورثے دے وچ دَر مِلدے کہیں کال کریہہ دے موسم وِچ جیویں پانڑی دے نل لب مِلدے جیویں نا منگنڑ تے سب مِلدے مدتیں دے نکھڑے یار ساڈے جیویں کہیں جاہ ساکوں مِل پوندِن لُٹ گھِن سب کجھ میں کیں میڈا جیویں راہ اچ ڈاکو مل پوندن کہیں ویلھے اینویں مل میکوں کہیں راہ رُلدے ہوئے پاندھی کوں جیویں سِدھا رستہ مل پوندے جیویں پیرورانڑے پاگل کوں راہ تے گلدستہ مِل پوندے جیویں لُڑھدیں ہوویں ڈونہہ ہتھ مِلدن جیویں ما کوں پُتر دے خط مِلدن جیویں گلیں دے وچ کھینڈدیں ہوئیں کہیں بال کوں سِکہ مِل پوندے جیویں چالھی سال دی تریمت کوں مطلب دا رشتہ مِل پوندے کہیں دے کَنُوں والیاں ڈھہہ کیں جیویں گُم تھیندن ول مِل ویندین جیویں کَچِّیں غستانیں دے وچ مینہہ اِچ قبراں رَل مَل ویندین کہیں ویلے ایویں مل میکوں کہیں قتل دی آخری پیشی تے جیویں ملزم نال گواہ مِلدے جیویں بنیامین تے چوری دا الزام لوا کے شاہ ملدے جینویں سادہ ذہن وپاری کوں مرضی دا عید تے مُل مِلدے جینویں کہیں دیہاتی چھوہِر کوں زندگی دا پہلا پھَل مِلدے جیویں چار ڈینہوار دے تَسّے کوں ٹھڈا مشکیزہ مِل ویندے جیویں کہیں تاریخ دے طالب کوں یونان دا ویزا مِل ویندے کہیں ویلے ایویں مِل میکوں کہیں بئے کوں فون کرن تے وی جیویں تیڈا نمبر مِل ویندے ہک واری ایویں مل میکوں

ملک زوہیب اعوان (اٹک)

Open In TikTok:

Region: PK

Tuesday 01 September 2026 16:25:02 GMT