@drabdelhamedelsoda2: اتشخة بطانة مهاجرة في المستقيم… وكانت هتعمل تحويل مسار وهي أصلًا مش مريضة بالبطانة! ٥ سنين من الألم… وتشخيصات كتير… وعملية… ولسه الألم زي ما هو! الحالة جات لنا من الشرقية بعد رحلة طويلة مع ألم الحوض المزمن، وكان آخر تشخيص إنها عندها بطانة رحم مهاجرة في المستقيم، ومحتاجة استئصال جزء من المستقيم وتحويل مسار. خافت، وراحت لدكتور تاني… واتقال لها إن عندها بطانة مهاجرة في الأربطة وأكياس شوكولاتة، وعملت عملية بالفعل، لكن الألم ما اختفاش! لحد ما وصلت لعيادة البطانة المهاجرة عندنا، وهنا كانت المفاجأة: الحالة أصلًا ما عندهاش بطانة رحم مهاجرة! لا المستقيم فيه بطانة مهاجرة، ولا القولون، ولا أكياس شوكولاتة، ولا إصابة في الأربطة. السبب الحقيقي للألم كان شد وتقلص في عضلات الحوض الداخلية، والحل كان علاج طبيعي متخصص، مش عملية كبيرة. 📌 الرسالة الأهم: لما التشخيص يكون صح… العلاج بيكون صح، والنتيجة بتكون أفضل. مش كل ألم حوض مزمن بطانة مهاجرة، ومش كل ألم في القولون أو المستقيم معناه إن المشكلة في القولون. لو عندك ألم حوض مزمن أو تم تشخيصك ببطانة مهاجرة ومش حاسة بتحسن، الأهم إنك تتأكدي من التشخيص قبل اتخاذ قرار جراحي كبير. #بطانة_الرحم_المهاجرة #بطانة_الرحم_المهاجرة_فى_المستقيم #Endometriosis #دكتور_عبدالحميد_السودة #بطانة_الرحم_المهاجرة_فى_القولون

Dr abdElhamed Elsoda

Open In TikTok:

Region: EG

Tuesday 01 September 2026 18:19:36 GMT