قمر الليل خواطري تتونّس بيه نلقى فيه أوصاف يرضاهم بالي يا طالب عندي خليلة تشبه ليه من مرغوبي فيه سهري يحلا لي نبات نباصر ف الليالي ننظر ليه يفرق من بينا الحذار التالي خايف لا بعض السحابات تغطّيه إذا غاب ضياه يتغيثر حالي يا سايل عن خاطري واش مسهّيه مع الريم اللّي جلا قلبي جالي يا تهواسي خاطري واش ينسّيه وين الطب اللّي يناسب لاعلالي ضرّ معاشر كبدي و أنا خافيه صابر للحمّى الشديدة مذا لي هذا المرسم كانت الخدّاعة فيه مسبوغة الأنجال خلاّته خالي يا ما مهبّلني جيت للمرسم شاكيه ما جوبني ما سمع لي لسوالي مرسم ولفي كي خلا و علاه نجيه نتفكر ما فات يثقب مشعالي يا مرسولي سير بجوابي و دّيه و مكّن به الظريفة و اعنى لي هات اخبار لينا كن نبيه و المارة اللّي بينّا ورّيها لي سال على محبوبي قلبي سال عليه سال عليها سال شطانة حالي قل لها و علاه محبوبك تنسيه غيظانة شكيت ما كيش تسالي مزّقتي قلبي بشفرة هضمتيه يوم فراقك صار لي كالهبالي خيالك عن ظاهر العين رسمتيه واين ما صدّيت نلقاه قبالي قدّاش انْ مرسول لي شقيتيه كرهوك الحسّاد بغض على جالي نشرتي ثوب المحبّة و طويتيه واه جديد محبّتك يرجع بالي ودعتك مفتاح قلبي ضيّعتيه سمطتي عنّي ايّامي و اشغالي جرّعتيني مرّ ما كنتش نشتيه ذقت اصناف الحبّ من دون اجيالي بعيني كنت ننطح المرسم نخطيه يتفلت منّي الميز و يغدا لي يتفكر قلبي زمان انْ كنّا فيه سترونا ليّام و الوقت موالي ياك حلفتيلي يمين و وفيتيه قلتيلي تشتاق ما زال خيالي صحّ منامك بالوفا كيما شفتيه تفسيره ما بينّا ظاهر جالي أنت شفتي ذا المنام أُو فسّرتيه و علمتي بالجايّة قلتها لي يا عال العليى الباليني تبليه و اجعل حاله ف المحبّة كي حالي تزيلف قلب الحبيبة تكويه و تثقب مشعاله كي مشعالي تديره شطرين عل النص تساويه قسمة تدّيها و قسمة تبقالي باش تشوف الحبّ و تلوم مواليه تعرف قدّ اللّي صبر كيما حالي حبّي عنّي جار ما طقتش نخفيه يا نوايه خاطري هذا حالي #خليفي_احمد #اكسبلور؟ #الجزائر #goviral #تراثيات - @douniaelhikaya