"ယုံကြည်ပါ"မင်းလုပ်နိုင်တယ်ဆိုတာကို..! နောက်မှာ ရှိတာကျန်ခဲ့ပြီမို့လို့ ရှေ့ကိုပဲ လျှောက်ဖို့ပြင်။ အတိတ်မှာ ငိုခဲ့ဖူးပြီမလား၊ ဒါဆို ရင့်ကျက်ဖို့ပဲ ကြိုးစားတော့။ ဒီနေ့က မလွယ်ကူဘူး၊ မနက်ဖြန်မှာ ပိုခက်ခဲနိုင်တယ်။ အခု ဒုက္ခရောက်နေတယ်၊ နောက်နေ့လည်း အဆင်ပြေဖို့ မသေချာဘူး။ အကောင်းဆုံးတွေကိုပဲ မျှော်လင့်ခြင်းကလည်း အဆိုးတွေကို ပိုဆိုးစေနိုင်ပြီးတော့ အဆိုးဆုံး အခြေအနေတွေကို လက်ခံနိုင်ခြင်းဟာလည်း အကောင်းဆုံးတွေကို ဖန်တီးနိုင်ခြင်းပဲ။ နှိမ့်ချတယ်ဆိုပြီးတော့လည်း အထင်သေးစရာ မလိုဘူး၊ အဲဒါ ယဉ်ကျေးတယ်လို့ ခေါ်တယ်။ ဘဝင့်မြင့်နေတယ်ဆိုပြီးတော့ ကဲ့ရဲ့စရာ မလိုဘူး၊ အဲဒါ ယူတတ်ရမယ့် သင်ခန်းစာ။ ဘဝထဲမှာ သူက ထွက်သွားတာ ရှိသလို ကိုယ်ကလည်း ထွက်လာတာ ရှိမယ်။ ကိုယ်မပါဘဲ သူဆက်လျှောက်ရမှာ ဖြစ်သလို သူ မပါလို့ဆိုပြီးတော့ ကိုယ် ရပ်နေလို့လည်း မရဘူး။ လူအသစ်တွေ ဘဝထဲ ဝင်လာလိမ့်မယ်၊ အလုပ်အသစ်တွေ လုပ်ရလိမ့်မယ်၊ ပတ်ဝန်းကျင် အသစ်မှာ အခြေချရလိမ့်မယ်၊ အခက်အခဲမျိုးစုံ ကြုံတွေ့ရလိမ့်မယ်။ ဘယ်အခြေအနေမှာပဲဖြစ်ဖြစ် စိတ်ဓာတ်မကျဖို့နဲ့ ဆိုင်နိုင်ဖို့ ကိုယ့်ဘက်က အကောင်းဆုံး ပြင်ဆင်ထားရမယ်။ ခဏခဏ တွေ့ဆုံရမယ်၊ ပြီးရင် ခဏခဏ လမ်းခွဲရမယ်။ ဒီစိတ်ကူးတွေ ပျက်သွားရင်လည်း နောက်စိတ်ကူးတွေနဲ့ မျှော်လင့်ကြီးဦးမယ်။ အလားတူပဲ နောက်ထပ် အကြိမ်များစွာ နာကျင်ရဦးမယ်။ ဟာသတွေကို နှစ်ခါ ပြန်မရယ်သလို ရင်နာစရာတွေကိုလည်း နှစ်ခါပြန်ပြီး မငိုနဲ့။ အမှတ်တရတွေကို ပြန်တွေးပြီး ဒဏ်ရာတွေကို အရောင်မတင်ချင်ပါနဲ့။ တစ်ယောက်လုပ်လို့ တစ်အိမ်လုံး ဗိုက်မပြည့်တဲ့အခါမှာ အချစ်က ဘဝမဟုတ်မှန်း သိလာလိမ့်မယ်။ အမှားတွေကို အမှန်ထင်၊ အတုတွေကို အစစ်လို့ ထင်တဲ့အခါမှာ ဘွဲ့လက်မှတ်ကလည်း ပညာမဟုတ်မှန်း သိလာလိမ့်မယ်။ စိတ်ဖိစီးမှု အများဆုံးဖြစ်နေတဲ့ လူတွေဟာ အောင်မြင်နေသူတွေပဲလို့ သိလာတဲ့အခါမှာ အောင်မြင်မှုအစစ်ဆိုတာ ကျန်းမာပျော်ရွှင်မှုပဲလို့ သိလာလိမ့်မယ်။ ကောက်ကျစ်မှုတွေကို မုန်းမုန်းလာတဲ့နေ့ ရိုးသားမှုနဲ့ လူဖြစ်ခွင့်ရတာဟာ ဘယ်လောက် အဖိုးတန်မှန်း မင်းသိလာလိမ့်မယ်။ ဘဝ"က ခယောင်းလမ်းမဟုတ်ဘူး၊ တစ်ခါတစ်လေ ဆူးခင်းလမ်းလည်း လျှောက်ရတယ်။ ခလုတ်တိုက်မှာစိုးလို့ မလျှောက်ဘူးဆိုရင်တော့လည်း မင်းခြေထောက်တွေက သန်မာလာမှာ မဟုတ်ဘူး။ အချိန်နာရီတွေနဲ့ မဆိုင်ဘူး၊ မင်းဘဝ ပြောင်းလဲလာဖို့ဆိုတာ မင်းကိုယ်တိုင် ပြောင်းလဲချင်စိတ် ရှိမှ ဖြစ်တာ။ အောက်ခြေမခိုင်ရင်လည်း ပြန်ပြီးတော့ ပြုတ်ကျတတ်တာမို့လို့လည်း အရည်အချင်းမရှိဘဲ အမြင့်ကို မတက်ချင်နဲ့။ ဘယ်မှ မရောက်ဘူးလို့လည်း မပြောပါနဲ့၊ နည်းနည်းတော့ လျှောက်ကြည့်လိုက်ပေါ့။ ယုံကြည်ပါ၊ မင်းလုပ်နိုင်တယ်ဆိုတာ ယုံကြည်လိုက်စမ်းပါ။ #ဘဝအမောများပြေပါစေ #ဘဝစာပေ #ဗဟုသုတအဖြစ်တင်ပေးတာပါနော် #fpyシ #foryou - @mydailylife1122