@samra12848565488: نحن ما دخلنا حياة بعض عشان نكون خصوم… ولا عشان كل زول يحسب للتاني أخطاءه وينتظر لحظة يردها. العلاقات اتوجدت عشان الإنسان يلقى فيها وطن صغير… مكان يرتاح فيه، يحكي، يضحك، ويكون على طبيعته بدون خوف. عشان يكون في زول تسند عليه لما تتعب… وهو يلقى فيك السند لما الدنيا تضيق بيه. لكن أحياناً بننسى الهدف الحقيقي من وجود الناس في حياتنا… وننشغل بـ”قال شنو؟ عمل شنو؟ اتغير كيف؟” لحدي ما تتحول المودة لمحاسبة، والقرب لمسافة، والحنية لمعركة. أي علاقة مهما كان اسمها… صداقة، أخوة، زواج أو أهل… ما بتعيش بالقوة، بتعيش بالرحمة. بالكلمة الطيبة، بالاحترام، وبإنك تختار تحافظ على قلب الزول البقدرك. ❤️ لأنو في لحظة معينة، كثرة الجرح والنقاشات القاسية بتخلي كل طرف يطلع أسوأ نسخة من نفسه… وكل واحد يفتكر إنو هو الضحية وهو الصح. لكن الشخص الناضج بعرف إنو الانتصار الحقيقي ما إنك تكسب النقاش… الانتصار إنك ما تخسر الإنسان. نحن اتخلقنا عشان نكون أنس لبعض… عشان نطبطب على بعض… مش عشان نكسر بعض. ❤️