#لاندكروزر ما مجرد عربية حديد بتمشي في الزلط، دي أسطورة يابانية ماشة على أربع عجلات منذ 1951 ولحدي الليلة مافي شارع غلبها ولا رملة وقفتها. لما تسمع صوت الـ V8 وهو بدور الصباح تحس إنو الأسد صحى من النوم، الهيبة تنزل على الشارع كلو والناس تتلفت غصب عنها. الكروزر ما بتعرف معنى كلمة مستحيل، تدخل بيها الصحرا تقول ليك شكرا، تركب الجبال تقول ليك زيدني، تخش الموية تقول ليك عادي. دي السيارة الوحيدة اللي تشتريها اليوم وبعد عشرين سنة تبيعها أغلى من سعرها، لأنو الاعتمادية حقتها ما عندها منافس. شاص ولا ربع ولا GXR ولا VXR كلهم أولاد عز من مدرسة واحدة اسمها القوة والفخامة. التويوتا ما صنعت عربية، صنعت تاريخ ماشي في الأرض، صنعت سمعة تمشي قدامك قبل ما تصل. لو راكب كروزر انت ما محتاج تثبت شي لأي زول، العربية براها بتتكلم عنك وعن هيبتك. الناس تشتري عربات عشان المواصلات، ونحنا نشتري لاندكروزر عشان الكرامة. في الخلا هي البيت، في السفر هي الأمان، في المدينة هي الهيبة. البنزين البتشربو في الشهر حق عربات تانية سنة كاملة، لكن منو بحسب للوحش وهو بياكل الزلط أكل. الفرق بينك وبين الباقين لما الإشارة تفتح وتعصر ابنص الكروزر، تحس إنك سايق دولة ما عربية. الغبار اللي تثيره وراك بيكتب قصة، والأثر اللي تتركو في الرملة بيقول مر من هنا ملك. ما بنقارنها بأي عربية لأنو المقارنة ظلم، دي فئة براها اسمها لاندكروزر. لو ما سقتها ما حتعرف يعني شنو متعة القيادة الحقيقية، ولو سقتها ما حتقتنع بغيرها طول عمرك. الكروزر عز الخلا وعز المدينة وعز الرجال.✈️🫀❤️‍🩹🥹#تايوتا_شعار_لا_يعرف_قانون_✈ #جخو،الشغل،دا،يا،عالم،➕_❤_📝✌️🌍🦋 #اسبانيا🇪🇸_ايطاليا🇮🇹_البرتغال🇵🇹 - @user51952420586164