@za33g: واختفت ابتسامته من شاف علي كاعد من الجهه الثانيه...راساا عدل كعدته وهوو يباوع لعلي بجديـه گام علي وجر الكرسي وكعد يمـه وكلـه ارتاح ارتاح ... واحمد بلع ريگه ويباوع لعلي ...علي گلـه بشرر شلون صرت ! تكدر تتنفس طبيعي لوو تعبـان ؟ كله لاا الحمد الله زيـن كتله الحمد الله ع سلامتك حموديي رفع راسه علي وباوعلي بطرف عينه وگال قصدج احمد ؟ كتله يااا احنه وين وانتت وين ... احمد التفتت ع علي وكلـه تعذرني ادري اني العايل وانت خايف عليـه ...علي مسح لحيته بخفه وگله اذا تريد سياره اجيبلك اغاتهاا بس سوق عدل لااا تنجرف ويه جماعتك السرسريه وتروح من ادينه بليله ضلمه دنگ احمد وهو يسمع كلام علي وفهمت السالفه (طلع احمد راكب سياره صاحبه ويسوق سريع لو يلعب بالاستيرن حتئ السياره تروح هيج وهيج ويتونسون ) وعلي من شايفه فاقد وصراحه حقه كل الحوادث الي دتصير هسه بسبب السرعه والمراهقين الي يحسونهه ونسه رفع راسه احمد وكله اعذرني ماتنعـاد ابتسم علي وگام باس راس احمد وباسـه بخده وكلـه" خوفتني عليك "واحمد فتح عيونه ع وسعهن باوعلي وگال اول مره يبوسني الاعرفه يبوس شـ.... وحمحم علي وكلـه مووو مريض ماريد اگوملك ...ضحكت عمه واني متت خجل بهل اثناء طبت الممرضه وكالت عذرا ع المقاطعه بس لازم اشيل المغذي واحمد اندار بعفويه وصفن عليهااا صفنـه معدلـه لدرجه ما رمش وهيه تباوعله وتكلـه الحمد الله ع سلامتك وهوو صافن بوجهه كح علي وكال لااا حوول الله باوعلنه وگال هاااا يي الله يسلمج وفزيت من كال ااااخ دكتوره هذا المكان يوجعني ويأشر ع گلبه وعلي يهزز راسه بنفاذ صبر واني كاتمه الضحكه كال العفو اقصد هذا وأشر ع ايده كلتله شي طبيعي احمد لان الكانوله بيها كلهاا هااا وتعرفين اسمي ؟ وهيه خطيه صافنه بوجهنه حارت شتحجي كلهاا دكتوره شنوو اسمج حتئ اطيب ! ابتسمت وكلتله اني ممرضه مو دكتوره للعلـم واسمي ورد عدل كعدته وكلها لااا بربج ؟ وباوعلي وكال ورد وجنها ورد كلتله عفواا ؟ كلهاا اقصد عاشت الاسامي ورده ابتسمت بهدوء ووخرت المغذي وهوو ماشال عيونه عنهـا وعلي يخزر بي وهوو ولا منتبهه كلتله شلت الكانوله وراح تبقه للليل يلا تطلع حسب طلب دكتور علي وباوعت لعلي واذا تكدر باجر تجينه نخلي الك مغذي احتياط لصحتك يفيدك گلهاا اجي اجي ان شاء الله وعمه غطت وجهه بالعبايه كاتمه ضحكتهاا والممرضه اترخصت وراحت باوعت لعلي صفـح وخزرته اتقربت يمه بهدوء وهوو صافن بعيوني وبحركاتي كتله اااموتك اذا حاجي وياهااا ؟ ابتسم بخفه وهز راسـه وكال لااا حول الله ....ميس : اتفاجئت من ماما كالت ابن عم شموسه احمد بالمستشفئ وام علي علاقتي بيها طيبه وزحمه ورا العشه نروحلهم للمستشفئ قدو يودينه ....فـ لبست بدي نيلي ساده هـاف وبنطرون كابوي باد بوي عريض ورتبت شعري خليت بس كحل وتنت شويه وكالعاده صبغت اضافيري ماروني واخذت الجهاز والمحفضه وطلعنه اول ما وصلنه للمستشفئ قدو سئل ودلونه بمكانه فـ كتلهم روحوو راح اشتري شي واجي زحمه من احمد ماما كالت خوش تسوين فـ راحو كدامي واني رحت اشتريت كنتاكي وعصاير ومي فـ رحت واول ما طبيت كتلهم السلام عليكم اغاتيي ؟ الكل رد السلام شلت العلاكه وكتلها شميسه تعالي انطيهم والتفت ع احمد وكتله الحمد الله ع سلامتك خالييي ! ضحك وكال الله يسلمج كتله شلون جبتلك كنتاكي خررب انه عدل كعدته وكال لااا بربج ؟ كتله وحگ ربك ! انوب الصلصه مالته وجبتلك ببسي مجرش گال عميي بالقران شريفه كتله غصبا عليك گال والله عاد شتحجين مازعل الكنتاكي بالمقدمه ضحكت ودنگت وانداريت بعفويـه وبلعت ريگي بصدمـه من اشوفلك .....

آلِــ عِــنِـــود 🎀

Open In TikTok:

Region: IQ

Wednesday 02 September 2026 12:15:37 GMT