@gamal98765432: الصورة دى أكبر بكتير من مجرد أم بتشتغل و معاها ابنها الرضيع.. فى السن ده الطفل محتاج امه جنبه فى البيت علشان كده العالم كله بيعطى أجازة وضع لما الست دى تنزل معناها ان ظروفها المادية لا تسمح لها بالبقاء فى المنزل و معناها كمان ان زوجها مرتبه لا يكفي الأسرة و التزاماتها و ان الزوجة رغم ظروف الولادة القريبة لازم تنزل تشتغل و معناها كمان ان الست مش قادرة حتى بعد ما بتشتغل تجيب حق حضانة لساعات قلائل تخلى ابنها فى أمان لغاية لما ترجع له و معناها كمان ان الأسرة الكبيرة الأم و الاخوات البنات(لو موجودين) ظروفهم لا تسمح لهم بإستضافة الرضيع و لو لساعات معدودة يوميا و ده معناه انهم كمان فى الشارع بيشتغلوا او أم ظروفها أسوأ من ان تراعي حفيدها.. و ده معناه ان اهل الزوج و اهل الزوجة ليس لديهم إمكانيات مادية فائضة تسمح لتلك السيدة ان تستريح و تراعي طفلا رضيعا فى منزلها الصورة دى تنطق بكل قسوة الظروف التي يواجهها أغلب المصريين:: ●الزواج اصبح مغامرة غير محسوبة ●الخلفة اصبحت أعباء تزيد من كاهل رب الأسرة ●احتياجات الطفل الرضيع اصبحت تكاليفها مرعبة اين نحن ذاهبون؟؟؟؟ اين ستنتهي هذه المأساة؟؟ تلك الصورة تعبر عن سياسات اجتماعية و اقتصادية و تربوية خاطئة.. ممكن نلاقى البنت و ممكن نساعدها و ممكن نقف جنبها.. بس المشكلة اكبر من البنت دى.. لأنهم مش واحدة و لا عشرة و لا حتى ألف بنت زيها.. دى مشكلة جيل كامل اصبح يري الحياة صعبة جدا و مستقبله فيها أسود.. الصورة تقول إلحقوا البلد.. إلحقوا الشباب.. إلحقوا الأجيال القادمة.. هناك حقوق لكل مواطن عند دولته مهما كانت ظروفها فى أساسيات حياته.. كده غلط كده خطر كده مرعب الا قد بلغت اللهم فاشهد بس خلاص #تامر_شيرين

Eng / Gamal salim

Open In TikTok:

Region: EG

Wednesday 02 September 2026 14:02:56 GMT