يا رب اڄ هٿ کڻي تنهنجي در تي آخري عرض ٿو ڪريان. نه دنيا جي دولت گهرجي. نه وڏا محل گهرجن. نه شهرت گهرجي. نه ڪنهن جو ساٿ گهرجي. بس منهنجي دل کي سڪون ڏي. اهو سڪون جيڪو راتين جي جاڳن کان پوءِ ملي. اهو سڪون جيڪو سوچن جي طوفان کان پوءِ ملي. اهو سڪون جيڪو ٽٽڻ کان پوءِ به پاڻ کي جوڙڻ تي ملي. مان ٿڪجي ويس ٿڪجي ويس ماڻهن کي سمجهائڻ کان. ٿڪجي ويس پاڻ کي ثابت ڪرڻ کان. ٿڪجي ويس اميدن جو بار کڻ کان. ٿڪجي ويس هر ڀيري دل لڳائڻ ۽ هر ڀيري دل ٽوڙڻ کان. زندگي ڪيترا سبق ڏنا. ڪجهه ماڻهن سيکاريا ته اعتبار ڇا آهي. ڪجهه حالتن سيکاريو ته اڪيلائي ڇا آهي. ڪجهه زخمن سيکاريا ته خاموشي ڇا آهي. ۽ هاڻي مان سکي چڪو آهيان. هاڻي وڌيڪ سکڻ جي طاقت نه رهي. مون جيڪو ڪيو پنهنجي سمجهه سان ڪيو. جتي غلطي ٿي معافي گهرجي. جتي سچائي هئي اهو سڀ تنهنجي حوالي آهي. مون ڪنهن جو برو نه گهريو. مون ڪنهن جو حق نه کاڌو. جيڪڏهن ڪنهن جو دل ڏکيو ته يا رب تو بخشي ڇڏجانءِ. اڄ کان پوءِ ڪا خواهش نه آهي. ڪو مطالبو نه آهي. ڪو گل نه آهي. بس اهو چاهيان ٿو ته جڏهن به منهنجو وقت اچي ته دل مطمئن هجي. روح صاف هجي. ۽ جسم تي اهو لباس هجي جيڪو سڀني برابري ڪري ڏئي ٿو. جنهن ۾ نه امير آهي نه غريب. نه بادشاهه آهي نه فقير. يا رب مون کي اهڙو خاتمو ڏي جو تون راضي ٿي وڃين. مون کي اهڙي موت ڏي جنهن کان پوءِ حساب آسان هجي. مون کي اهڙي قبر ڏي جنهن ۾ روشني هجي. مون کي اهڙا ماڻهو ڏي جيڪي منهنجي وڃڻ کان پوءِ به دعا ڪن. نه ته ياد ڪن، پر گهٽ ۾ گهٽ بددعا نه ڪن. مان واپس نه وڃڻ چاهيان ٿو انهن رستن تي جتي عزت نه ملي. مان واپس نه وڃڻ چاهيان ٿو انهن وٽ جن لاءِ مان ڪڏهن به خاص نه هئس. مان واپس نه وڃڻ چاهيان ٿو انهن خوابن ڏانهن جيڪي ڪڏهن به منهنجا نه هئا. بس هاڻي تون ۽ مان. بس هاڻي منهنجا سجدا ۽ تنهنجي رحمت. بس هاڻي منهنجا ڳوڙها ۽ تنهنجي بخشش. بس هاڻي منهنجي ٿڪل روح لاءِ هڪ جاءِ جتي ڪا جنگ نه هجي. جتي ڪا پرواهه نه هجي. جتي ڪو شور نه هجي. جيڪڏهن زندگي اڃان باقي آهي ته ڏي پر ان زندگي سان سڪون به ڏي. ۽ جيڪڏهن وقت پورو ٿي ويو آهي ته به ڏي پر ان وقت سان عزت به ڏي. مان راضي آهيان تنهنجي هر فيصلي تي. ڇو ته تون بهتر ڄاڻين ٿو. تون بهتر لکين ٿو. تون بهتر سمجهين ٿو. بس هڪ آخري دعا دل جو بار هلڪو ڪري ڇڏ. سوچن جو شور بند ڪري ڇڏ. ۽ جڏهن گهرائين ته پاڪائي سان گهرائجا . . . . . . . . . . . . . . #sadcaption #poryoupageシ💖🌸🌹 suporteme🥰🤘 #pleasedontunderreviewmyvedios🔥 #vairal_video_tiktok_trending #foryoupage💔💔😔🥀 - @lanjwanisahab8