@youandayah: كبدة الشارع بس احلى مليون مرة♥️🤤 المكونات - ١ كج كبدة، متقطعة شرايح رفيعة جداا - ٢ م ص كزبره حب** - 1 م ص كمون حب** - ١ م ص فلفل اسود - ٢ م ص ملح - ١/٤ م ص جوزة الطيب - ٥ فص ثوم - ١/٤ كوب ليمون - ٣ م ك خل - فلفل رومي، متقطع رفيع - فلفل حامي، متقطع رفيع - زيت و لية خاروف للتحمير **ممكن نتستعمل كزبره و كمون بودرة بدل الحب. الطحينه - ١/٢ كوب طحينه - عصير ليمونه - معلقة صغيرة خل - ١/٤ م ص كمون - ملح حسب الرغبه - ١ فص ثوم مهروس - مياه الطريقة 1. في طاسة على نار متوسطة نحمص الكزبره و الكمون لحد ما تطلع ريحتهم و نشيلها. (مانعملش الخطوة دي لو حنستعمل كزبره و كمون بودر) 2. في هون او محضرة طعام نطحن الكمون و الكزبره بعدين ننزل عليهم الثوم و الملح و الفلفل و جوزة الطيب و نهرسهم كويس جدا لحد ما تبقى زي المعجون بعدين نضيف عليهم الليمون و الخل و نخلط كويس مع بعض و ننزل نص التتبيلة على الكبدة و نتبلها لمدة ٣٠ دقيقة. 3. في طاسة كبيرة و سخنة على نار عالية ننزل الدهن المستخدم و عليها الكبدة و نوزعها في الطاسة بس مانزحمش الطاسة. لو الطاسة مش حتكفي الكمية كلها يبقى نعملها على دفعات عشان الكبدة ما تتسلقش، احنا عايزين نحمرها. بعد ٣ دقايق تكون اخدت لون و نقلب كله مع بعض و ننزل باقي التتبيلة و معاهم الفلفل الحامي و الرومي و نساويها كمان دقيقتين و بس كدة. مانساويش الكبدة زيادة عشان ماتنشفش. 4. تتاكل ساندويشات متغرقة بالطحينة او مع عيش بلدي طازج و الف هنا♥️. #كبده #كبده_اسكندراني #fyp #foryou #foryoupage

Ayah Shedeed

Open In TikTok:

Region: EG

Wednesday 02 September 2026 15:55:56 GMT