@magooleey.11: "Wakhtiga badankiisa, baxnaano rajee." Loollanada gudahaga ka aloosma kan caqliga iyo qalbiga ka dhex abuurma ayaa ugu hawl adag! Weli ma aragtay caqligaaga oo si toos ah kuugu qeexaya xaqiiqada haddana inuu qalbigaagu kugu sii adkaynayo haysashada waxaas aad runtiisa ogtahay. Haa! Way dhacdaa waa nooc ka mid ah mashkiladaha ugu adag ee ibnu aadamku ku dhex lumo adiguna saaxiib heerkaas ayaad caawa joogta qalbigaagu wuxuu si indho la'aan ah kuugu dirqiyayaa haysashada sababta dhaawacaaga, isagoo weli dhursugaya rejo iyo wax hubaanti la'aan ah! Balse dhawr mar ayuu caqligaagu kugu qanciyay raacidda dariiqadda saxda ah ta ay ku badbaadayso naftaadu, iyo tan aadka nabad gelayso musiibadda qalbi jabka. Weli se hadalkaasi kuuma cuntamin, weli waxaad jeclaysanaysaa joogista meel aanad nefis ku ahayn, raali gelinta cid aan dan kaa lahayn, iyo mid aan uba jeedin dedaalka aad hurayso! Marar badan waad ku hungowday arrinkan haddana kama quusatid! Markaste waxa ku dirqiya wixii aad adigu hore usoo wayday taas oo aad inta badan ku celceliso; waa "Naxariis e." Haa, dabcan waakan darreenka ku lalminaya laamaha sare ee laydhu kor u liiliijinayso! Qofkaste waxaad u doonataa naxariis, wehel tebyadaada u waynina waa halkaas dareen! Dareenkaasina wuxuuu kugu sababay inaad wax badan ku waydo raadintiisa. Cid waliba maaha ciddii u qalantay inay kuu hurto naxariis, maaha ciddii u diyaarka ahayd inay kuu dhammaystiraan baahidaad soo wayday adoo yar haddana weli waxaad indho la'aan u daydaydaa iyada. Saaxiib wan ogahay sidda xaalkaagu yahay caawa, waanan dareemaya lunsanaanta uu dhex-badhtanka kaga jiro qalbigaagu, wan dareemayaa doontaadii jacayleed duufanno iyo dabaylo xaggaa inay harqiyeen qarqoor daranina kugu soo dhawyahay! Wan ogahay inaad dareemayso qalbi jabka kuugu soo dhaw, rejadda kaa sii socota iyo xannuunka darran ee sida hubaasha ah kuu sugaaya! Haddana looma baahna inaad siddan oo dhan u walwasho adduunyada bilowkaste dhammaad buu leeyahay xitaa innagu dhammaad baynu leenahay! Maaha inaad kusii jirto dayrkan mugdiga iyo madawga u saaxiibka ah; ka kac hurdada oo raac xaqiiqda uuku sido caqligaagu deedna qalbigaaga ka badbaadso qalbi jab iyo xanuun aanu tahli karin dhibkiisa. Weli waxaad haystaa fursad aadkusoo ceshato degganaantaadi, dhoollacadayntaadi, iyo qofkii fadhiyada noo qurxin jirtay. Waa hubaal waykuu hagaagi doonnaan maalmuhu wuuna kuu samaan doonnaa waayuhu ha hanjabin wad is heli goor uune.

Magool.

Open In TikTok:

Region: SO

Wednesday 02 September 2026 16:01:37 GMT